【巴黎奧運】感謝港人無瞓覺睇比賽 江旻憓：我終於無輸啦
（獨媒報導）香港劍擊代表江旻憓在巴黎奧運女子重劍個人賽決賽贏得金牌，她在接受訪問時特別感謝港人支持：「好多謝大家如果有起身喺度，無瞓覺睇比賽，多謝你哋咁辛苦，仲有時差，都睇我比賽。」她一度哭成淚人：「我終於無輸啦，我次次都輸，今次終於贏啦⋯⋯。」
「世一」江旻憓在賽後接受本港傳媒訪問，她先向現場的香港傳媒致歉：「辛苦晒大家，對唔住我無同你哋傾計，因為比賽之前好緊張。已經接受咗咁多次訪問，但我仲係唔係好相信。」
被問到從落後1：7，到追至10：10平手並反勝，江旻憓就稱：「我唔想輸得咁肉酸，我唔想無打出香港精神⋯⋯咁樣放棄。但我就諗返起，可以喺個咁靚嘅舞台，可以喺呢個王宮打比賽，本來都係我夢想之一。咁我一定要打得好睇，打比你哋睇，對得住我哋劍擊同埋教練，同埋成個團隊咁樣栽培我⋯⋯我唔可以打得咁樣⋯⋯。」
對於今次打破「世一」未能贏得奧運金牌的「魔咒」，江旻憓表示，之所以感到緊張、大壓力，是因為「驚輸」：「其實我有努力到極致嘅時候，我應該係放鬆嘅，因為我已經做晒我所有做到嘅嘢，所有身邊嘅人都幫晒我，佢哋盡佢哋最大嘅能力去幫我去贏，咁我有咩好緊張？但我之前係好對唔住大家，係因為我覺得大家已經做晒所有嘅嘢，次次輸係我處理得唔好，所以我好想幫大家贏。」
版權: