【巴黎奧運】張家朗將金牌贈父 稱兩度奪金證「不要因身處小地方而放棄」

（獨媒報導）張家朗於男子花劍個人賽決賽反勝意大利選手，成功衛冕金牌，不單為香港取得今屆第三面獎牌，亦是香港史上首人連續兩屆奧運取得金牌。他賽後表示，希望將金牌送給剛生日不久的爸爸，並感謝香港市民捱夜支持他。被問到兩次奪金證明了甚麼，張家朗就稱：「我哋係可以證明俾佢睇，我哋好小嘅地方都可以做到好多唔同嘅嘢，只要相信自己，唔好覺得因為自己喺一個好小嘅地方而放棄、唔堅持。」

（圖片來源：港協暨奧委會）

張家朗首先接受《無綫電視》訪問，被問到在最後需要以三次「決一劍」才分勝負的，張家朗坦言覺得很可惜，「每次都覺得係自己（得分）嘅」，教練亦有著他集中精神，專注於下一劍中。

（圖片來源：港協暨奧委會）

江旻憓奪金是強心針 張父母首現場觀賽

江旻憓日前在女子重劍個人賽率先奪金，何詩蓓在較早時間的女子200米自由泳亦取得銅牌，連同張家朗再奪一金，香港已取得兩金一銅。張家朗指江旻憓奪金是一大強心針，又認為反映香港劍擊不斷進步，「我心諗一定要盡自己全部能力去打好每一劍」。

張家朗的父母亦有到巴黎現場，並是首次現場觀看兒子參與奧運比賽，張家朗就稱希望再次將金牌送給爸爸作為生日禮物：「第一次......起碼唔好丟架啦喺佢哋面前。」他亦感謝香港市民支持：「多謝你哋捱夜，聽日好似仲要返工，都仲睇我，好多謝大家，希望我冇辜負每一個人期望。」他之後又打趣指：「大家返工加油。」

在教練「主場」奪冠 感謝對方照顧及指導

張家朗的教練Grégory Koenig 為法國人，張家朗亦談到兩次奪金心情，指上次東京奧運首次奪金已「唔敢相信」：「今次當然都唔敢相信，但我教練係一個法國人，可以喺『主場』攞冠軍，其實對我意義非常之大，佢都好辛苦，安排所有嘢，照顧我哋。自問我都係幾煩嘅運動員，佢都控制自己情緒照顧我哋。」他指教練不單只在技術上指導，亦會在心理輔導，「真係好感謝佢」。

他最後寄語市民及香港運動員：「大家唔好放棄，去堅持，就算遇到好多挫折都好，都記住自己為咩開始。可能有時真係唔如意，其實都要堅持到底。」

在傳媒圍訪時，有記者指張家朗用兩屆奧運證明「香港運動員唔係垃圾」，並問及覺得香港運動員是甚麼。張家朗就稱：「我哋係可以證明俾佢睇，我哋好小嘅地方都可以做到好多唔同嘅嘢，只要相信自己，唔好覺得因為自己喺一個好小嘅地方而放棄、唔堅持。」

教練Grégory Koenig 就表示以張家朗為榮，亦很榮幸可以為香港可以在法國「主場」奪冠。他又表示一直對張家朗很有信心，「我知佢一定做到」，指自己只是著他集中精神，推動他向前。他又稱在奧運上，獲獎已經很難得，兩次奪金的份量同樣重要。