【獨媒報導】足總周三舉行香港足球明星選舉頒獎禮，奪得應屆港超聯冠軍的大埔，後衛李家豪、中場陳肇鈞同入選最佳十一人。今次獲獎對李家豪意義重大，他曾先後因捲入打假波案，及新冠疫情而一度離開球圈，最終憑着努力及堅持，首次成為入選最佳十一人的後衛。李家豪特別感謝母親：「曾經我令到你好失望，令到你唔知點樣去面對你嘅朋友、你嘅親戚，但今日我希望你個仔可以令你驕傲一次，多謝你媽咪。」

現年32歲的李家豪，2009/10年球季在深水埗出道，多年來先後效力橫濱FC（香港）、飛馬及大埔等球隊，並且為「堅家軍」成員之一。然而，李家豪的職業生涯不是一帆風順，在2016年10月捲入「打假波」案，與李威廉、郭建邦、鄭禮騫及陳柏衡被控串謀詐騙、提供及收受利益以操控3場預備組賽事，案件經審訊後，2018年4月在區域法院被裁定罪名不成立。

李志堅：肯定就是李家豪！

在2018/19年球季，李家豪再次追隨李志堅，並替大埔首次贏得港超聯冠軍，惟在新冠疫情期間又無班落，踢了兩季甲組。在頒獎禮中，大埔主教練李志堅在台上緩緩讀出：「肯定就是李家豪。」李家豪稱從對方接過獎項，份外有意義，並在台上逐一感謝家人。

在頒獎台上，李家豪又勉勵「正在低谷的人」：「只要你唔好放棄，一直堅持，勇敢去追隨你想要嘅嘢，憑着呢份信念，憑着你好好嘅人去支持住，我諗任何人都可以走出呢個低谷，向上爬返上山頂，睇你哋身後嘅風景。」

訪問期間眼睛通紅 李家豪：以前無諗過呢啲嘢會關我事

在接受訪問時，李家豪稱一直以平常心看待，但在到場後感到很緊張，因為今季是職業生涯最好表現的一季，並入選了最後八強。他解釋，之所以準備講稿因為未能即興發言，而且想準備得好一點：「我好想好衷心咁，多謝真係想多謝嘅人。」

談到獲獎的感受，李家豪一度眼睛通紅，指職業生涯中多次曾離開球圈：「嗯，我諗大家都可能會知道。之後又COVID，又停咗無會落班，嗰一刻都想放棄足球⋯⋯懷疑會唔會放棄足球，因為都唔知之後會點。」在2022/23年球季重返大埔，李家豪都直成為球隊不可或缺的一員，他自言已年屆32歲首次獲獎：「以前無諗過呢啲嘢會關我事，好大感觸。」

從未幻想能獲獎 感謝恩師李志堅

被問到因涉及「打假波」，期間暫停了一年多的職業足球生涯，李家豪指花了不少力氣才能爬過高山：「我由啱啱出道踢波，踢吓踢吓就知道自己唔係嗰種好叻嗰啲，會攞到呢啲獎，我攞到最佳十一人，我當我自己攞咗足球先生咁。」他又坦言，昔日從未幻想能獲得獎項，「以前唔敢諗，因為唔會覺得呢啲嘢係我」。

在面對低潮沒有放棄，李家豪指是「阿Sir掹咗我返嚟」，亦即是恩師李志堅：「始終第一次嗰陣時我仲未攞過聯賽冠軍，我同阿Sir講，我哋細細嗰班，試吓攞聯賽冠軍呀一班人。嗰陣時當刻我都好想，同佢哋做呢件事。」

疫情期間無班落踢甲組 稱今次獲獎已無憾

在2019/20年球季後，李家豪在約滿東方後未有班落，及後兩個球季都在甲組球隊東區渡過，這是第二度離開職業足球。李家豪表示，當時「完得好唔甘心」、「因為COVID無啦啦就完咗」：「我8歲開始踢波，無啦啦完咗我由細到大做緊緊嘢，我會覺得好唔忿氣。嗯，我覺得點都要返嚟好頭好尾，踢到我真係覺得我唔踢，而唔係被唔踢。」

李家豪認為今次獲獎已無憾：「攞埋第二次冠軍，攞埋呢個獎。嗯，我最緊要對我媽咪證明咗⋯⋯唔想講太多屋企人，會喊。」

罕談「堅家軍」 李家豪盼前隊友念舊日畫面

當年的一班「堅家軍」，現時只有陳肇鈞、李家豪仍追隨李志堅。記者問到與前隊友的點滴，李家豪指黃威、李嘉耀梁冠聰及羅港威等人，仍在球場上馳騁：「我都覺得好開心，一唔一齊到喺阿Sir身邊，呢樣嘢就好難控制或者去講，起碼慶幸見到佢哋仲喺球場上，喺球場度見到大家就係好開心嘅事。」

同樣是「堅家軍」，方栢倫、馮慶燁等已離開職業足球，李家豪笑言要對他們說，「可能你哋估唔到我會攞呢個獎」：「嗯，就算離開咗球圈，見到我個阿Sir、Philip，我攞吓獎、冠軍，諗返起我哋細個一齊踢波，一齊喺酒店度玩到好搞笑嘅畫面，希望你哋回味一下，開心一下，人生好短，快樂嘅時候應該好好享受。」

季尾受傷感無助 惟形容已屬不幸中的萬幸

去屆香港足球先生陳肇鈞，他在今季再次入選最佳十一人，並取得13個入球。他認為，自己今季已較上季做得更好，因為大埔成功贏得聯賽冠軍。他表示，自然今季為球隊貢獻了很多，並對來季可以踢亞冠二感到高興。

在季尾不幸受傷，陳肇鈞指站在場邊感到很無助，加上要缺席港隊的賽事，但認為已是不幸中的萬幸：「踢咗咁多年都係一個細嘅傷患仔，可能個幾月就好返，唔係話要開刀。」他再次對缺陣季尾賽事感到失望，「喺唔應該整親嘅月份度整親」。

指每次獲獎都是一種肯定 陳肇鈞：李志堅係應該有人提及的人

不過，陳肇鈞認為每次獲獎都是一種肯定，因為職業足球員生涯短暫，十分珍惜每一次機會：「上年攞開心，今年攞一樣咁開心，加埋有個聯賽冠軍就更開心。」

在台上獲獎後，陳肇鈞特別感謝李志堅，認為對方是「應該有人提及的人」，又指他們是最佳拍擋，「基本上可以話有佢有我」：「好坦白講，無佢嘅話，我乜嘢都唔係。上年返嚟大埔，同佢一齊拍住上行到今日，兩年之間攞到聯賽冠軍，我覺得已經係交代到足。」

版權: 
禁止衍生