【獨媒報導】香港足球明星選舉頒獎禮今晚舉行，東方後衛兼隊長、38歲的梁振邦在出道21年來，首次入選最佳十一人。「傻邦」在獲獎後寄語年輕球員，「唔好諗住一、兩年唔成功就放棄」：「你見到我20幾年都仲可以有機會喺度，亦都可以俾其他人會見到，繼續努力囉可以。」

在2006/07年球季，梁振邦獲選為香港足球明星選舉最佳青年球員，曾先後效力公民、愉園、南華，在2012/13年球季曾北上到中甲球隊廣東日之泉搵食，在2016年加盟東方並成為主力至今，現時是東方的隊長。

「傻邦」近年轉任中堅，今年則是首次以後衛入選香港足球明星選舉最佳十一人。對於出道21年來首次贏得最佳十一人，「傻邦」稱「估唔到會發生呢樣嘢」，因為在該年紀，要保持穩定水準有一定困難：「攞到呢個獎，對我嚟講都算係幾大鼓舞。估唔到呢個年紀，仍然可以維持到穩定水準。」

老兵不死 梁振邦：我哋呢一代球員係有價值

談到保持穩定水準的關鍵，梁振邦指東方今季有多場備受關注的賽事，包括多項盃賽決賽及亞冠二，並且轉任後衛：「去到後衛嘅時候，佢哋會見到我防守能力，原來係有喺度。佢哋會留意到，有啲關鍵嘅波我可以攔截到，或者做到成功嘅防守，呢啲亮點可能俾佢哋見到。」

足球場上老兵不死，被問到有何說話向同齡球員說，梁振邦就表示：「希望我可以令到佢哋覺得，我哋呢一代球員係有價值，仍然可以令到佢哋好光榮，唔係無晒，仲有人喺度。」他亦多謝老婆及女兒，才可以令其繼續在場上打拼。

葉鴻輝：年輕球員冒起令自己有動力做得更好

效力東方的門將葉鴻輝第11次榮獲最佳十一人，追平李健和的紀錄。葉鴻輝表示，年輕球員冒起令自己有動力做得更好，指有個別球季表現不太好：「都會有唔開心，因為自己不嬲對自己要求都高。」

現年35歲的葉鴻輝是東方的副隊長，今季已帶領球隊贏得高級組銀牌冠軍，球隊周六將力爭擊敗標準流浪衛冕足總盃冠軍。他點名港隊隊友謝家榮、伍瑋謙，都是年輕及很有潛質的守門員：「可能我性格爭勝心強，好多嘢都唔想輸，令到我自己力求有無得進步。」葉鴻輝不諱言，今屆或許是其最後一次獲獎，因為要在35歲之齡保持狀態，自己往後亦需要調節。

與梁振邦一起獲獎 葉鴻輝形容具特別的意義

談到與梁振邦一起入選最佳十一人，葉鴻輝認為有特別的意義，「我都唔知佢原來係第一次」，大讚「傻邦」每年都表現穩定，能夠一同獲獎十分高興，而且兩個家庭都十分熟稔。葉鴻輝強調，梁振邦是東方，乃至港隊的無名英雄：「攞到一個一早屬於佢嘅獎項，都好替佢開心。」

葉鴻輝表示，本港很多年輕球員在訓練上有缺陷，導致較遲才有較佳的足球意識，不少球員均要27、28歲才冒起及踢得好，因為要累積比賽經驗才知道如何比賽：「如果早啲喺青訓上度做，好多香港球員都可以踢得更加好。」

版權: 
禁止衍生