梁熙獻計「打小人經濟」設大型拖鞋裝置打卡、售文創產品「前夫」T恤等

攝影：鍾健華

【獨媒報導】民建聯立法會議員梁熙周三（5月28日）在立法會提出質詢，倡立法規管鵝頸橋底「打小人」行為，當局以僅為商業活動為由，不會推行認證或發牌制度。梁熙今早在港台節目指，並非扼殺「打小人」活動，而是望加強規管，由非政府組織管理。他更提出一系列「打小人經濟」，包括設立大型拖鞋供旅客「打卡」，並售賣「打小人」相關文創產品，例如前夫或前男友「小人」T恤。

梁熙指「境外人」驚蟄擺檔

梁熙今早（5月30日）在港台節目《千禧年代》表示，鵝頸橋底「打小人」引致的阻街問題近年愈趨嚴重，攤檔「野生咁樣去成長」，路人被逼行出馬路，險象橫生。他指一直以來只有4至5檔，但近年數目升至10檔，但有一半只在周末和驚蟄營業，平日只放枱凳在橋底「霸位」。一到周末，又有大批外傭「喺嗰度一齊開party呀」，令現場更加擠逼。

他指驚蟄期間，攤檔數目又再增長，更有「唔係香港人嘅境外人」擺攤「打小人」，「嘩真係違反咗逗留條件之餘，亦都係好亂啦。」

攝影：鍾健華

倡由非政府組織管理和認證制度

他稱原望當局發牌或劃位規管，但嘆政府「係立法會講咗唔會做」，建議政府可交由非政府組織管理。他以黃大仙解籤攤檔和大坑舞火龍為例，皆被非政府組織「安置」於解籤中心和大坑火龍文化館：「咁政府肯定自己唔會願意嚟去做呢個（監管）角色，咁咪可以俾嗰啲NGO嚟去做。」

他認為非政府組織亦可推出認證制度：「有啲人識打，有啲人又唔識打，究竟政府係俾邊啲人落場去打呢，而呢個NGO亦都係可以做呢個角色。」

立法會議員梁熙

設大型拖鞋供旅客打卡

梁熙進一步獻計，提倡當局將「打小人」打造成旅遊景點。他指現時坊間就「打小人」已有不少「好得意」的文創產品：「譬如話打小人嘅T恤，即係打你小人頭，跟住有氣無掟透，甚至英文版都有㗎喎；亦都係啲大拖鞋呀等等；或者係嗰啲小人，係寫字話前夫或者係前男友咁樣。」

他亦建議舉辦導賞團，讓旅客親身體驗：「畀啲外國人直頭落場去打呀，即係親身嚟去體驗一下。」他建議可在鵝頸橋底設置一隻大型拖鞋，供旅客「打卡」。

稱為參考日本神社營運方式

他指由NGO管理的做法與日本神社的營運方式類同：「佢哋係每個地區呢，有一啲叫振興地區經濟嘅會，一啲係民間或者係半民間嘅組織，咁樣呢就一齊去推動。」

不過添加更多經濟活動，是否與原先解決阻街的意向相違背呢？梁熙解䆁鵝頸橋底空間「非常之闊」，若有序發展可以容納以上建議，亦稱鵝頸橋是「外國人嚟香港都一定會嚟嘅一個地方」，希望政府可採納自己建議。