【獨媒報導】香港足球代表隊晚上在友賽迫和尼泊爾0：0，港隊主教練韋斯活賽後未有到港隊球迷區答謝球迷，再次遭發出噓聲及被高喊「Westwood Out」。韋斯活賽後「解釋」：「如果我唔認同一個人嘅睇法，我仲過去嘅話即係嘥時間。我覺得佢哋係錯嘅、係唔啱嘅。」他又隔空回應球迷：「你哋叫自己做港隊球迷，就應該支持球隊，就應該支持主教練，支持一支9場不敗嘅球隊。如果我哋輸咗波，可能有球迷會好開心，但我哋無輸。」

港隊今場悶和尼泊爾，下周二將在啟德體育園主場館對印度，出戰亞洲盃外圍賽分組賽。在今場的賽後記者會，韋斯活指尼泊爾在無球跑動下非常努力，反擊亦具凌厲，並認為對手防守很好。他認為港隊表現亦不錯，米高曾有一次具威脅射門，「如果入咗就會唔同晒」。他強調「正面啲睇」，港隊今場成功保持清白之身：「我哋10場有7場不失球，並且連續9場不敗，我哋會繼續進步，期待與印度交手。」

點睇球迷叫「Westwood Out」？ 韋斯活：港隊已9場不敗

被問到有球迷在賽後高喊「Westwood Out」，韋斯活先重申，港隊已在連續9場在國際A級賽事不敗，而自其上任港隊主教練後，港隊排名持續上升：「我哋每個國際比賽嘅窗口都提升緊排名，10場賽事有7場0失球，9場比賽7勝2和，保持不敗，我唔知球迷佢哋仲想要啲乜嘢。」

韋斯活續向球迷開火：「我唔知點解佢哋會咁諗，你哋問吓球員，問吓足總，就知道我哋做緊乜，應該遠離嗰啲對足球一無所知嘅人。」他強調，自己及球員一直為港隊付出所有，球隊在控球、射門、傳中及入球等數據都在上升：「作為球迷，你哋仲想點呢？」

滿意洛迪古斯表現 肯定尼泊爾實力

另一記者問到如何評價洛迪古斯的表現，韋斯活則表示滿意，並承認港隊上半場較為失色，下半場已有所改善，指會在對印度的比賽排出最強的十一人，「尋找勝利方程式」。

在記者會尾聲，韋斯活指港隊下場擊敗印度，將會升上小組首名，指球隊今場如能把握機會，便已擊敗尼泊爾，但亦再次肯定對手的實力：「歸根結底，尼泊爾係一支唔錯嘅球隊。尼泊爾下場對老撾，如果佢哋下場贏咗，我都唔會覺得驚訝。」

被問港隊未有挑選劉智樂 洛迪古斯：我不是教練無法控制

洛迪古斯在賽後則表示，對能為港隊上陣感到高興：「隔咗一段長時間，我終於可以代表香港了，但我哋今場無運，所以贏唔到。」

被問到港隊未有挑選劉智樂，引起球迷爭議。洛迪古斯表示，自己不是教練，所以沒辦法決定球員人選：「係教練決定，我無法控制。」