今仗續有數十名港隊球迷到場支持

【獨媒報導】國際青年足球慈善盃今日煞科，中午率先舉行季軍戰，港隊U20對戰馬拉加U20，法定時間2:2完場，需互射12碼。港隊首4輪全部命中，效力傑志的門將石皓心成功撲出對手兩球，以4:2勝出奪得季軍。尾場冠軍戰日職聯U20以4:1勝中國湖北U18，奪得冠軍。

無標題

無標題

港隊U20上仗互射12碼，不敵湖北U18，只能出戰今日的季軍戰。今仗在中午12時、酷熱天氣警告生效下進行，上半場何東霖先為港隊入球領先1:0，惟至下半場60分鐘被馬拉加赫達華斯基斯入球扳平，80分鐘韓鋮潁射入，為港隊再度領先2:1。不過在補時階段，馬拉加馬度利撞入追平，需互射12碼。港隊12碼首4輪全命中，門將石皓心兩度成功撲救下，港隊由封天詠射入最後一球，以4:2勝馬拉加成功奪得季軍。

無標題

功臣石皓心賽後坦言，未料需互射12碼決勝，「始終對手對日本19:0，不過我哋都無鬆懈過，以平常心態應付呢場波，估唔到對手好火咁追返返嚟，覺得成隊波挨過呢個過程好特別。」面對馬拉加「兇狠」踢法，石皓心指對手始終來自歐洲，「（他們）覺得唔應該輸比香港人，（賽果）證明香港係有機會挑戰歐洲（球隊）。」

無標題
石皓心

效力標準流浪的李呈指球隊團結，「我哋依班人其實夾咗可能一個禮拜，可能我哋默契唔係咁好，遲啲儲多啲默契可能會再好啲。」他盼港隊能在全運會小組出線。至於今仗在正午酷熱天氣下作賽會否影響發揮？他指球隊專注比賽，未有考慮天氣問題，「人哋會辛苦過我哋兩倍。」

無標題
李呈

對於兩仗對手，李呈指湖北U18節奏快，球員基本功良好，馬拉加U20則非常有拼勁及有火，兩仗皆不容易應付。他指兩場賽事皆在尾段被追和，認為球隊「真係要醒啲」，惟仍認為球隊表現滿分，做到教練部署，「始終唔係夾咗好耐，都好開心同到呢班隊友一齊踢。」