【獨媒報導】港隊晚上在啟德體育園主場館絕殺印度，在該場地標戰贏波，逾4.2萬名球迷入場。贏波功臣史提芬彭利拿認為，在啟德比賽兼入波的感覺無與倫比：「感覺真係太神奇，希望可以繼續喺呢度比賽，球迷亦繼續入場支持我哋，因為呢度氣氛太好！」茹子楠亦表示，想繼續在啟德比賽：「希望每一次喺度踢都爆場，氣氛係好好嘅真係，氣氛好到我哋提場，聽都聽唔到。」

在上場對尼泊爾的友賽，史提芬彭利拿曾被隊友、球迷質疑浪射，今場則為港隊射入十二碼奠定勝局。史提芬彭利拿在賽後表示，能夠在4.2萬名球迷面前入波，是美妙的感覺。

浪射惹批評 史提芬彭利拿：我唔需要向任何人證明

記者問到在處理十二碼前，花了不少時間才正式操刀，史提芬彭利拿解釋「呢個係我嘅風格」：「我就係慢慢先射，等對方龍門有壓力。」對於球迷上場的批評，今場入波是否已證明了自己。史提芬彭利拿就表示，「我唔需要向任何人證明」，強調自己每日都努力訓練，並為港隊付出所有。他又提到，在港超聯賽事中射入多個自由球，自然希望能為港隊入波。

至於在啟德逾4.2萬名球迷前比賽的滋味，「肥彭」認為感覺無與倫比，「感覺真係太神奇了」，「希望可以繼續喺呢度比賽，球迷亦繼續入場支持我哋，因為呢度氣氛太好！」

「小跳步」射法中內柱才入網 「肥彭」稱已知100%射入

有記者問及其「小跳步」射法，皮球先中內柱才入網，。「肥彭」則表示，在起腳的時候已望向對方門將，當時已認為100%會射入，加上以慢速射門，及後雖然看到皮球微偏向了一邊，「但我都已經準備好補中。」

現年37歲的史提芬彭利拿，今季原本不獲港超聯球隊冠忠南區續約，最終在球隊前鋒不足的情況下，獲得一紙合約。記者問「肥彭」如有機會，會否與港隊征戰2027年沙特阿拉伯亞洲盃決賽周，「肥彭」表示「將一切榮耀歸於上主」：「我唔知道下一步，我只係繼續努力變得更健康、變得更好，睇吓嚟緊點樣先。」他最後表示，將先到巴西與家人渡假兩星期，稍後再返港備戰東亞足球錦標賽。

啟德一片紅海 茹子楠：攻力好似加咗十倍咁

繼上場對尼泊爾，茹子楠今場繼續贏盡球迷掌聲，他在比賽中更多次遭對手侵犯。在比賽後，茹子楠就表示「咩都唔痛」、「真心好開心」，稱已沒有詞彙形容今場賽事：「Feel 到好多人喺背後支持我哋，攻力好似加咗十倍咁。」

曾替中超球會梅州客家作客到上海、北京等地比賽，已見識過萬人空巷的球場。茹子楠認為啟德同樣震撼：「可能真係自己地方，一片紅海。呢個都係我哋夢想想做到嘅嘢，跟住今日我哋做到了。」

茹子楠：球迷加持攻力都好咗 指港隊整體有進步

談到賽前印有「港隊勁揪」及巨龍圖案的巨型橫幅 Tifo，茹子楠表示事前不知悉詳情，而球隊下半場有港隊球迷在背後加持：「下半場攻力都好咗啲。」他提到，在啟德體育園主場館比賽很舒服：「好似秋天嘅感覺，有啲風無啦啦吹過，都幾舒服㗎真係。」

至於吃下對手一記「穿心腿」，茹子楠笑言自己每場都硬食：「我鍾意硬食呢啲嘢，交畀我。」被問到如何評價球證的判決，茹子楠認為OK：「贏波喎，佢判十二碼畀我哋喎！」港隊上場友賽尼泊爾互交白卷，茹子楠認為港隊今場節奏較快，整體已有進步，加上主場優勢：「我哋所有嘢都加乘咗。」

「肥彭」小跳步射十二碼 茹子楠笑言心臟病

茹子楠同笑言「心臟病啦就嚟」：「史提芬咁樣射個波，我哋側邊睇係睇唔到，好多嘢遮住咗，郁咗個網當入㗎啦，個個衝晒出去，我就當入，真係嚇死。」

茹子楠將返回梅州會合球隊，惟今輪中超要停賽未能上陣。至於能否參與7月在韓國舉行的東亞足球錦標賽，茹子楠稱未知，稍後要向球會申請：「希望可以踢啦梗係。」

版權: 
禁止衍生