【獨媒報導】港足晚上出戰亞洲盃外圍賽，在啟德體育園主場館對印度，在下半場補時階段憑米高博得十二碼，史提芬彭利拿操刀射入，以1：0絕殺對手。在比賽後，有記者問到在主場取得勝仗，能否緩解與港隊球迷的關係，主教練韋斯活表示「不在意」：「我唔在意與球迷嘅關係，我淨係關心我嘅球員，為佢哋安排最好。如果你鍾意我，就會鍾意我。如果你唔鍾意，我都唔在乎，我會繼續做我自己。」

在賽後記者會上，韋斯活在開場發言重申今場比賽十分重要，為球員贏波感到高興，尤其印度的世界排名較港隊高。他讚揚球隊付出了努力：「球隊嘅團結，每一個人都可以睇得到，亦都感謝球迷嘅支持，無論係5,000 人、8,000人定係今晚嘅42,000人，當大家都一齊努力，就可以取得成績。」

用盡所有方法爭取入球 指港隊缺少5名主力

韋斯活再次提及印度排名較港隊高，一年前更曾排名第96位，港隊有面對該支進攻能力不錯的對手時，攻守轉換做得不錯，球員拼命落力，對港隊取勝感到十分高興：「我最關心嘅就係球員嘅努力有回報，如果最終只能夠和波，我哋會好沮喪，好開心最後入到波。」他點名稱讚史提芬彭利拿，今季為冠忠南區交出表現：「而自從我接任之後，佢一直都表現得好好。」

記者問到在戰至下半場90分鐘時候的感受，韋斯活重申球隊備戰功夫、戰術部署充足，加上今場防守不俗，球員已付出所有，「港隊用盡一切方法希望贏得比賽」。他又提及，港隊今場缺少了5名主力球員，包括艾華頓、余在言、黃威及陳肇鈞等，最終憑努力取得勝利。

表明對「肥彭」有信心 韋斯活：我叫佢射內柱

韋斯活又提到，在接手港隊的時候，有人向其表示「香港球員的體力不足以支持90分鐘」：「但我哋今晚喺呢個大球場上就做到，用努力獲得回報。」

有記者問韋斯活為何由史提芬彭利拿主射十二碼，他就表明對「肥彭」有信心，指對方為冠忠南區上陣時已多次使用同一射法：「訓練嘅時候，我都見過好多次佢係咁做。同老實講，佢冇試過失手。祖連奴去攞個波，都係希望減輕『肥彭』嘅壓力，佢哋一早已經傾好。」韋斯活更表示，是其喚「肥彭」要射內柱，「而佢就跟住咁做」。

4.2萬人入場 韋斯活感謝球迷撐港隊

今場入場球迷多達42,570人，韋斯活同意球迷是港隊的最強後盾，球迷的吶喊及打氣聲令球員、親友感到自豪：「每個球員都會想喺咁多球迷面前踢波，我啱啱嚟嘅時候，大球場淨係得4,000名球迷，對關島我哋有8,500名球迷，今日就有逾42,000人。」

韋斯活最後再次感謝球迷，願意在周二晚上購票入場支持港隊：「我相信今場波，喺未來幾年都會被討論，不論入場人數或者戰果，我哋會繼續努力同進步。」此外，同位列C組的新加坡，在同日作客以2：1擊敗孟加拉，憑得球數字力壓港隊升上榜首。

版權: 
禁止衍生