【獨媒報導】港足昨晚（10日）出戰亞洲盃外圍賽，首度在啟德體育園主場館作賽，完場憑12碼以1：0絕殺印度，42,570人入場見證。民建聯立法會議員鄭泳舜在港台節目稱，港隊對本地球迷具號召力，對各支持單位和贊助商「打咗支強心針」，倡趁機發展「主場經濟」和「應援經濟」。


鄭泳舜（資料圖片）

鄭泳舜指逾4萬人入場撐港隊為贊助商「打強心針」

鄭泳舜昨晚亦有入場觀賽，認為除了外國球星外，港隊對本地球迷亦甚具號召力，對各支持單位和贊助商「打咗支強心針」，希望當局可以趁機發展「主場經濟」和「應援經濟」。

昨晚的賽事，上層「特惠票」只售80元，鄭泳舜認為不少市民因票格廉宜而入場，「呢五萬嘅球迷裏面，當中可能有一萬多人係die hard fans嚟，即係成日都跟住港足。」他認為本地足球邁向商業化、產業化，需要「養一個球迷群」，不單靠票價優惠，亦要培養觀賽氣氛，鼓勵市民入場體驗。

鄭泳舜指港足波衫備貨少令人失望

主場館昨晚一片「紅海」，但當中不少球迷因港足波衫供不應求，以外隊紅色波衫頂替。昨日港隊球衣供應商 Nike 在啟德零售館2發售球衣，未開售已經截龍。鄭泳舜坦言對安排感失望：「其實大家都有個期望，可能會買一啲周邊嘅球衣、產品啦。」冀足總與生產商商討，增加球衣供應。

學者冀足總協助球迷團體製作隊歌

浸大運動及健康科學系教授劉永松在同一節目指，昨晚場館和票價安排理想，「（啟德體育園）其實都好新淨，好有文化氣息啦」。他亦稱讚港足近來表現優秀：「香港隊喺過去10場國際A級賽事立於不敗，當然啦有啲賽事我覺得可以贏添啦。」

他認為宣傳方面有改善空間，指由球迷團體自發製作的打氣歌「比較粗糙啲」，望政府、足總可與球迷團體洽商，製作更優質隊歌。

港隊主場賽事中，近年球迷的打氣聲一直不絕。劉永松其球員士氣及表現提升，又以國足和港足做比較：「譬如話我哋好痛心地睇到中國國家隊，最近對印尼嘅賽事，都好多批評；因此當我哋去做個對比嘅時候呢，一隊球隊能夠得到四五萬人嘅支持，當時唱隊歌呀、有好多香港精神嘅拼搏呀、成個紅海呀，呢個係香港前所未有嘅主場氣氛。」


韋斯活（資料圖片）

指韋斯活不夠親民 應更關心球迷

提及士氣，劉永松亦談到港足主教練韋斯活近日言論，認為他應該更關顧球迷心聲，嘗試與球迷打成一片，回答可更加親民：「因為我聽到一句 I don't care 呢樣嘢，我覺得喺英文可能佢文字方面用得唔係幾好。」

倡啟德體育園設「足球歷史博物館」

被問到能否發展「應援經濟」，劉永松指應首先做好「主場經濟」：「你主場仲未做得好呢，其實你冇乜本錢做應援經濟嘅。」他指體育賽事結果難料，以曼聯為例，稱即便今季成績欠佳仍續獲球迷支持，全因「有傳奇色彩」，倡在啟德體育園設「足球歷史博物館」，紀錄港足過去百年的「威水史」，令港人不論戰績都會支持港隊：「足球係圓嘅，乜嘢都可以發生，但係我哋可以控制到嘅，係我哋嘅傳奇、我哋成名嘅歷史，令到所有球迷引以為榮支持香港隊。」

版權: 
禁止衍生