周一鳴稱社會隱藏三大風險 指「軟刀子」式攻擊危害深遠

（獨媒報導）《香港國安法》將實施5周年，警務處處長周一鳴接受報章訪問，指本港近年社會氣氛比較平靜，但社會仍然有暗湧，隱藏三大風險包括外部勢力干預、本土恐怖主義，及軟對抗滲透，形容「軟刀子」式攻擊危害深遠：「其實都睇到整體大環境係穩定嘅，但始終社會仍然有一小撮人，希望透過唔同嘅媒體，又或者可能喺唔同嘅界別，可能喺文化上面等等，希望可以滲入一啲軟對抗。」

中央政府2020年6月30日在本港頒布《香港國安法》，去年則有《維護國家安全條例》完成立法。周一鳴接受《文匯報》訪問，稱法例實施成效立竿見影，指部份國安案件已陸續在法庭判刑，包括唐英傑案、民主派初選47人案，稱「嗰個象徵意義好重要」。

重提反修例指年青人上街遭鼓動 籲到內地了解國家發展

訪問亦重提2019年反修例運動，周一鳴時任九龍西總區副指揮官，是「理大圍城」的總指揮。他表示，自己是其中一個大隊的指揮官，感受十分深刻：「其實當時有好多年青人，其實佢哋都未必知道點解當時佢會走出嚟。其實我相信呢，背後係好多人鼓動，背後推佢哋嘅人出嚟，其實都係，我覺得係好妖魔，令到一啲年青人佢哋喺唔知情之下走出嚟。」

周一鳴（資料圖片）

此外，周一鳴呼籲，年輕人應用更客觀的方法接觸國家，有機會的時候應到內地「再睇一睇 」：「究竟而家整體，成個發展係點。」

稱存在本土恐怖主義 「有啲小撮人都係死心不息」

在訪問中，周一鳴指本港近年社會氣氛比較平靜，但社會仍然存有暗湧，隱藏三大風險：「即係我都講過好幾次，不斷都有暗湧。第一就係可能外部勢力，其實都睇到，美西方好多時都係利用唔同嘅方法，用香港嚟作為打壓中國嘅方式。」

除此之外，周一鳴亦提到「本土恐怖主義」：「其實有啲小撮人都係死心不息，佢哋自己可能被激化咗之後，佢哋係會有一啲嘅過激行為，可能影響到香港個整體安全。第三部份就會係軟對抗，其實都睇到整體大環境係穩定嘅，但始終社會仍然有一小撮人，希望透過唔同嘅媒體，又或者可能喺唔同嘅界別，可能喺文化上面等等，希望可以滲入一啲軟對抗。」

周一鳴（資料圖片）

周一鳴指出，國家安全是本港每名市民的使命，而警隊成員亦有同一使命，即保障及維護國家安全。他最後重申，警方「有法必依，執法必嚴，違法必究」，將加強情報搜集作主動執法，並希望透過教育令市民更了解，「國家安全其實係每一個人嘅使命」。