（獨媒報導）港澳辦主任夏寶龍訪港「調研」，多名官員分別開腔提及如何應對「軟對抗」，其中文體旅局長羅淑佩受訪稱將更嚴謹審批資助及場地。全國港澳研究會副會長譚耀宗今早在電台節目表示，相信當局「都唔會嘗試去冤枉人嘅」，但他同意若發現對方「有問題」，就不應給予機會，「唔好坐大佢哋」，如有需要「可能都要行到呢步㗎」。至於當局應否明確指出對方是「軟對抗」，譚耀宗稱「可能又唔想去到咁白」。

譚耀宗在商台《在晴朗的一天出發》解釋自己如何理解「軟對抗」一詞，是由以往公開形式的暴力，轉變為較隱晦和婉轉的手法，例如設計遊戲宣傳港獨和台獨，用其他手法滲透港獨意識，或用不同手法挑撥對政府或中央的態度。他指夏寶龍發言的重點是提醒社會「唔好麻痹」、「唔好以為平安無事喇」，因而忽視維護國家全。

部門會考慮「點樣唔好畀人利用」

至於如何對付「軟對抗」，譚耀宗指如有人「踩中」法例，執法部門自然會處理，若未及犯法程度，他提醒「大家對佢有警惕，唔好受佢影響」。至於部門的應對手法，譚舉例環境局的基金增加了審查步驟，避免有政治目的的團體申請，「做啲野出嚟，對社會穩定不利」，他認為不同部門都會考慮「點樣唔好畀人利用」，若發現對方有問題，當局應「少去接觸佢囉，唔好畀機會佢哋囉，唔好坐大佢哋」。

軟對抗很多？ 譚：又未必

主持人問到是否要向「軟對抗」者取消資助或不批出場地，譚表示「如果有需要嘅時候，可能都要行到呢步㗎」，他同時指「我哋都唔會嘗試去冤枉人嘅」，強調只是警惕性質。主持人追問，當局是否應該開宗明義表明對方是「軟對抗」，譚耀宗指「可能又唔想去到咁白」，各方或希望以「溫和手法」應對。譚又認為軟對抗「你話無呢，我諗大家唔相信，係咪多呢，又未必」，他指重要的精神是「時刻警惕」。