【泰王盃】港足周四鬥伊拉克 陳俊樂稱期待與強隊對壘「有更多得著」
相片由足總提供
【獨媒報導】香港足球代表隊周四（4日）將出戰泰王盃首場賽事，迎戰世界排名58的伊拉克。港隊今晚完成當地首節訓練，中場陳俊樂稱首日到埗時感覺天氣酷熱，至今日訓練時下起雨才感覺較舒服，「希望比賽都係陰天、落雨，咁就舒服啲」。他又稱很期待與伊拉克、泰國及斐濟等強隊交手，認為與他們對壘會「有更大壓力，更多得著」，並為10月亞洲盃外圍賽對孟加拉的賽事備戰。
相片由足總提供
香港對上一次對陣伊拉克是2021年6月12日的世界盃外圍賽，港隊當時於中立場僅負0：1。當時正選上陣的守門員葉鴻輝透過足總訪問表示，伊拉克踢法與一貫中東球隊無異：「都係體力化、速度同技術都好好，相信佢哋都係主攻。」他又指已預料對手會安排多名前場球員，利用人數優勢壓迫，將會格外留意。
相片由足總提供
對於有球迷將到泰國為港隊打氣，葉鴻輝感謝球迷支持，又指：「雖然泰國唔遠，但北碧府呢個地方，曼谷搭車都要搭兩個幾鐘過嚟，希望佢哋享受今次比賽，同埋喺旅程度小心。」
版權: