【港甲】矢志衝超至尊首戰9：0大勝浩運 老闆下半場上陣

【獨媒報導】今季港甲聯賽今日（9月7日）開鑼，已連升兩級、矢志衝超的至尊，派出新加盟5名前港超球員任正選，半場領先6：0，全場以9：0大勝浩運。至尊班主兼球員王至尊下半場上陣，他賽後向《獨媒》表示，今日只是第一場比賽，並未對升超的信心大增：「對後備、正選、所有球員嘅要求都希望佢哋踢到超班咁上去，唔係話忟忟水上去。」對於坊間質疑「老細足球」，王至尊指自己每日恆常練習及跑步，為其他球員樹立榜樣。

前港超球員林學㬢半場上演帽子戲法

今季升班至甲組聯賽的至尊足球會，前身是天旭足球會，在2023/24年球季獲公民體育會班主王至尊收購，更名出戰丙組聯賽，去季升至乙組聯賽後即奪得亞軍，僅經歷兩個球季並連升至甲組。至尊今季以「衝超」為目標，有多名前港超球員效力，包括教練兼球員林嘉緯、盧均宜、鞠盈智、陳文輝、林學曦及黃梓豪。此外，至尊球員不少屬去屆同由王至尊贊助、甲組聯賽冠軍的公民球員。

今日是至尊首仗甲組賽事，全部前港超球員全為正選，開賽未及5分鐘，便可馬斯奥頂入領先，21分鐘陳文輝助攻下林學㬢射成2：0，30分鐘馬文突破防線再入一球。不足5分鐘後，鞠盈智助攻林學㬢梅開二度，接著陳文輝及林學㬢分別再入一球，半場便以6：0領先。

下半場至尊班主王至尊身披7號球衣上陣，66分鐘曾射門惜中框彈出，由馬文補射入網，完場前馬斯奧及劉志偉再各入一球，最終以9：0大勝。

對於作為班主親身上陣，王至尊指坊間有聲音質疑為「老細足球」，惟他指自己每日均會練習，以及跑步訓練體能，「想俾後生球員，或者有出糧嘅球員聽，就算我係老闆我都做好自己，樹立返個榜樣俾其他球員，特別係年青球員去學習。」他續指，自己即便往歐洲出差，亦會每日跑步。「我每次跑完步錄低跑步紀錄，抌落去群組俾啲球員睇下，我係老闆都跑到咁啦，你哋作為球員係咪都要知自己事呢。」

對於今日表現，王至尊自評能勉強應付賽事，「出到嚟都俾到啲表現。」

下周對公民 王至尊：歡迎網民留意

對於至尊與公民的關係，王至尊稱「明白香港足球會有呢啲俾人講嘅位置，我唯一可以講就係呼籲網民如果唔鍾意，大家覺得有可疑歡迎你哋下個禮拜出嚟睇，希望俾大家睇到兩隊波真係全力以赴踢波。」至尊下周日（9月14日）將於第二場賽事對公民，下午1時30分於跑馬地遊樂場開賽。

對於今仗以9：0大勝，有否增加衝超信心？王至尊指「唔會喎，場場波都要求最高水平去踢嘅，如果想升超要拎升超水準出嚟」，「對後備、正選、所有球員嘅要求都希望佢哋踢到超班咁上去，唔係話忟忟水上去。」

今季升班港超聯的東區，去季甲組只排第八。王至尊坦言「唔想第7、8名上，想攞到冠軍，今年踢出超聯水平嘅足球，我哋先上去踢。」對於球隊陣中的多名前港超球員，他盼季尾「佢哋唔使五個一齊出嚟踢，多啲後生出嚟都可以踢到咁嘅成績。」目前陣中年青球員暫時稍為「怯場」，擔心失波或未符教練期望，今仗下半場換走主力後斷波次數亦較多，「我哋希望點換都好，出到嚟都有個隊形喺度。」

林學㬢：盼獲甲組冠軍

去季效力港超聯九龍城的林學㬢，今季轉投至尊。他表示至尊是非常有目標的球隊，雖然暫時仍處於甲組，盼今季獲佳續之餘，亦培訓年青球員上超聯，「今年都有幾個好有經驗嘅（球員）落喺呢度，希望可以group埋一齊幫一幫呢班小朋友，等佢哋有機會上到場有好嘅表現。」他指至尊陣中年青球員需要有更大的進步，例如掌握球場上的位置、時刻走動等，今季目標是獲得甲組聯賽冠軍，未來計劃考取教練牌。