【獨媒報導】新一份《施政報告》提出容許狗隻進入食肆的牌照，獲批食肆將有明確標籤。代表飲食界的立法會議員張宇人上月曾稱准許狗隻進入食肆有助生意是「想法不正確」，被問到想法有否改變，張宇人稱政府仍未公佈細節，稍後會諮詢業界意見，但不認為寵物餐廳會搶走傳統酒樓的生意，「我唔相信嗰啲有寵物牌照嘅生意會爆到七彩，唔制嗰啲就冇生意，我唔信呢樣嘢㗎。」

行政長官李家超未有提出發牌條件，只預計2026年中批出首輪可容許狗隻進入的食肆。飲食界立法會議員張宇人下午於立法會回應時表示，暫時政府未有具體交代，自己亦會在立法會休會時諮詢業界，「嚟緊就算立法會收咗工，我都會配合政府，因為我都想呢樣嘢早啲進行，去諮詢睇吓業界。」

張宇人上周曾接受《信報》專訪，指准許狗隻入食肆有助生意是「想法不正確」，只是部份人想帶動物外出，更坦言如做法有助生意，自己早已提出修例。《獨媒》今日問道張宇人的想法有否改變，以及建議有甚麼發牌條件。身兼行會成員的張宇人未有表達立場，只表示：「嗱！其實呢，而家個條例未出細節，出嘅時候會好清楚去睇，但係我同個局同署都有共識，一係你情我願，二係確保啲食客去到（食肆），我哋個環境衞生，甚至食物安全都係確保嘅。」

至於容許狗隻進入的食肆會否搶走酒樓的生意，張宇人就稱：「我唔相信嗰啲有寵物牌照嘅生意會爆到七彩，唔制嗰啲就冇生意，我唔信呢樣嘢㗎。」他重申，食客要帶動物外出自然「佢有佢嘅做法」。