【獨媒報導】大埔晚上在旺角大球場出戰亞冠二分組賽首場賽事，以2：1擊敗澳職球隊麥克阿瑟。談到香港球隊首次在亞冠二主場賽事擊敗澳洲球隊，大埔主教練李志堅在賽後稱對贏波感開心，指大埔作為職業球隊，要盡量做好：「贏咗梗係開心啦，贏咗起碼今晚俾人鬧少啲。」有記者追問是否有一吐烏氣的感覺，李志堅就稱沒有：「無！我明明贏㗎！開心囉，起碼贏咗A League球隊，話俾其他人聽香港球隊係可以。」

亞洲足協的球會級賽事自去年起，由以往外援限制為「5+1」，即5個外援及1個亞洲外援，改為不設外援限制。大埔今場便排出4231的陣式，並以「8鬼拍門」包括加比爾、大囍、韋法頓、米基爾古圖斯、帕特華維迪、馬卡雷拿、伊高沙托尼及添姆高夫斯基，另由謝家榮把守最後一關，陳肇鈞任隊長。

加比爾頭球建功 麥克阿瑟完半場前踢少一人

上半場麥克阿瑟先開波，3分鐘，帕特華維迪右路角球開往遠柱，加比爾一頂入網，大埔領先1：0。8分鐘，卡沙利斯轉身抽射，謝家榮飛身撲出。15分鐘，大埔左路一次突擊，韋法頓傳往遠柱，馬卡雷拿未能及時接應。

24分鐘，添姆高夫斯基禁區內撥橫，伊高沙托尼起腳但省中對手出底線。在落後下，麥克阿瑟保持控球在腳，並欲循邊路進攻，惟韋法頓今場表現大勇。在補時階段，泰博特遭伊高沙托尼偷去皮球，前者出手拉跌伊高沙托尼，來自黎巴嫩的球證阿拿迪恩即時出示紅牌，大埔半場領先1：0。

哈利下半場倒戈登場 馬卡雷拿拉開比分

下半場換邊，大埔在踢多一人的情況下，維持原班人馬，麥克阿瑟則派出倒戈的哈利。「綠戰士」急欲拉開比分，52分鐘，今場表現勇猛的韋法頓爆入禁區再左腳射近柱，菲臘杜古撲出底線。54分鐘，大埔另一次黃金機會，馬卡雷拿單刀扭過龍門，但可惜未能起腳。

55分鐘，馬卡雷拿左路傳地波，客隊門前一片混亂，伊高沙托尼趁亂後上施射，菲臘杜古又撲到。然而，踢少一人的麥克阿瑟選擇壓前。65分鐘，伊高沙托尼左路突破傳予添姆高夫斯基，後者不貪功撥橫予馬卡雷拿，馬卡雷拿冷靜射入，大埔領先至2：0。

韋法頓表現勇猛 添姆高夫斯基擺烏龍

69分鐘，巴坦左路開角球，添姆高夫斯基門前竟擺烏龍，客隊追至1：2較接近的比分。70分鐘，大埔派出費蘭度，收起陳肇鈞。73分鐘，伊高沙托尼推至禁區頂起腳，但未能命中目標。80分鐘，韋法頓左路發難，皮球輾轉落入馬卡雷拿腳下，此子起腳射入，但球證指帕特華維迪此前手球在先。

88分鐘，大埔派出保連奴，收起添姆高夫斯基。在下半場保時階段，伊高沙托尼右路傳地波，馬卡雷拿還可惜「走過龍」，「綠戰士」最終2：1贏波。

陳𦘦鈞感謝球迷支持 稱「呢場勝利係屬於大家」

今場入場人數為1,875人，大埔一眾職球員答謝主隊球迷。在賽後記者會上，大埔主教練李志堅對贏波感高興，但笑言已聚焦周日的比賽。陳𦘦鈞則稱今場較預期中多人入場，再三感謝球迷支持，「呢場勝利係屬於大家」。

下半場原欲踢雙前鋒 惟澳洲前鋒入球打亂部署

被問到今場比賽是否執教以來重要的勝仗，李志堅就表示言之尚早，因為只是分組賽的首場比賽，認為「逐場逐場嚟」。他指球員今場表現很好，但亦有幸運成份，包括開賽初段便領先，在完半場再踢多一人，並透露下半場原希望派出兩名前鋒加強攻力，「但澳洲前鋒突然入球」：「結果我都要變陣，但足球就係咁。」

李志堅又表示球隊賽程頻密：「下場會有幾多球員受傷，或者踢唔到，我就唔知啦，但每場我哋都會盡力。」

被問到再次代表大埔出戰亞冠賽事的感覺，陳𦘦鈞指今日的大埔較6年前更強，而賽制、球員都已不同，球隊在對手面前顯示出鬥志，並成功取得勝仗：「我哋比6年前更加強，贏波攞到3分好重要。」他指同組對手北京國安同具實力，大埔會繼續努力取得勝仗。

力爭超越東方去屆成績？ 李志堅：做好自己先

理文、東方去屆首次代表香港參賽亞冠二，分別獲得1分及3分，大埔首仗便旗開得勝取得3分，記者問李志堅會否希望取得更多積分，乃至走得更遠。

李志堅稱從來不會比較：「我哋做好自己先，但當然你提出咗呢件事，可能我要諗一諗。Anyway 我哋當然想再多一步，或者兩步，或者三步。」他表示「咁難得爭取機會代表香港」：「盡力而為啦，應該用呢一個態度，我每一場波都想贏。」

主動談未有換入更多後備球員 強調要穩定勝局

另外，李志堅主動談及未有換入更多後備球員，他認為「唔應該換就唔會換」：「我覺得要穩定勝局，如果唔係我哋嗰澳洲球員入返一球，可能可以大手換。」

不過，他表示當對手追至1：2的時候，「三分緊要過一切」：「踢波唔係話你俾機會人就可以，我覺得要穩定贏咗場波先，咁先可以講下一次，如果我唔係贏波，你今日問嗰啲嘢都唔係咁。」

版權: 
禁止衍生