【施政報告】指吉舖屬新常態 李家超：以另一種心態處理
【獨媒報導】政府昨日公佈《施政報告》，行政長官李家超今早出席聯合電台節目。有聽眾關注本港街上有不少吉舖，貨櫃碼頭亦沒有「大貨櫃船」，赤柱更水靜鵝飛。李家超回應指，出現吉舖鑑於網上購物盛行，形容如同新冠疫情期間的新常態：「有吉舖其實同經濟轉型好有關，另一個（同）電商好有關。大家都知道網上購物，實體店生意少咗，大家都知，呢個亦都係常態。我要講清楚呢個係常態，就等如我哋嗰陣時，新冠肺炎嘅時候嘅常態。知道係常態，我哋就用另一種心態處理佢。」
李家超今早出席聯合電台節目，多名聽眾致電發表意見。聽眾吳先生指政府應居安思危：「街上好多吉舖，貨櫃碼頭而家無咗大貨櫃船入，甚至乎你去赤柱已經靜晒，無咗啲外國人。旅遊唔得啦，運輸又唔得，好多瓣都唔掂㗎喇而家。一定要有居安思危。」
李家超回應稱，「旅遊方面上升緊，上升咗12%」，而出現吉舖則因為網上購物盛行，形容如同新冠疫情期間的新常態：「有吉舖其實同經濟轉型好有關，另一個（同）電商好有關。大家都知道網上購物，實體店生意少咗，大家都知，呢個亦都係常態。我要講清楚呢個係常態，就等如我哋嗰陣時，新冠肺炎嘅時候嘅常態。知道係常態，我哋就用另一種心態處理佢。」不過，李家超相信在「洗牌」過程後，情況會穩定下來。
市民嘆欠全民退保、全民醫保 李家超：已在福利投入很大資源
有聽眾致電質疑政府未有設立全民退休保障。石先生稱十分尊重特首，自言已80歲，希望李家超能協助解決問題：「你而家知唔知道，年青嘅、老年人都好多失業，執笠嘅比比皆是，點會有人就業啫？頭先你話嗰啲洗碗，洗碗嘅職業有幾多啫？好少㗎特首！你睇吓我哋，負資產、破產日日上升，你有冇辦法解決我哋嘅問題呀？講係冇用㗎！全民退保、全民醫保都冇，我哋點可以依靠去生活啫？我又無公屋，你話我哋點去生活？」
李家超回應稱政府重視社會保障，當局已在福利投入很大資源，有需要人士可申請綜援，稱政府每日投放在福利的資源高達3.5億元，強調「一日喎唔係一年」。
李家超：部門首長責任制可增強市民信心
另一聽眾陳小姐則關注物流署採購樽裝水事件，事發後未有官員問責，質疑問責的意義。李家超稱審計署正就事件進行調查，查明責任誰屬，再按公務員制度處理。
至於《施政報告》推出「部門首長責任制」，李家超指該責任制是將公務員管理制度化、清晰化及肯定化，並向公眾說明調查機制，可以增強市民信心。他又強調公務員一向要問責，守則亦列明按職效問責。