（獨媒報導）政府昨日發表新一份《施政報告》，行政長官李家超今早出席聯合電台節目。被問到為何未有派發消費券，李家超稱考慮到財政有壓力，現時財政赤字約1,200億元，另有5,000億元儲備，「比起我哋較為好嘅時候爭咁一截」。他表示，假若向每人派發5,000元消費券，即要支出300億元：「300億係咩概念呢？我起一個啟德體育園就係300多億，即係話我用一次性措施去做一個消費券，定係喺而家財政有壓力嘅時候，用好呢300億做其他嘢呢？」他表示已預留300億元用作工程，加上私人工程減少：「私人市場刺激無咁直接，所以我哋自己留多300億去做。」

李家超今早出席聯合電台節目，他重申政府已在其他方面刺激經濟，包括引入產業，從而帶動就業。他表示《施政報告》，已推出11項措施加大支援中小企，希望在「洗牌」過程中協助部分行業：「盡量做多啲雪中送炭，同時有一個刺激性作用。」

再提BB機喻經濟轉型 強調政府已推11招協助中小企

對於有市民對本港經濟信心不足，李家超稱「梗係明白」，舉例指《施政報告》中提及的BB機例子：「以前我哋買傳呼機、BB機，到我買手機，呢個行業係會無㗎啦，嗰班人係避唔到會失業㗎啦，但呢個經濟轉型期係避唔到。我點樣挽留嗰啲BB機，第日無市場㗎。但喺過程你係辛苦，我幫得幾多，我幫你啦，所以11招中小企幫佢啦。」

李家超進一步提到，產業結構改變可令本港在經濟波動中更穩健：「就算第日大風浪啲，我㗎船大郵輪嚟㗎啦，唔係小艇嚟㗎啦，所以呢個就係長遠政策，但唔表示我唔做現有政策。」

此外，李家超又舉例稱一件白恤衫即使有一點污點，但整體而言仍是白色。他表示當然有弱點，「但我哋仲有好多好嘅地方」，不應過分悲天憫人：「如果無咗自己嘅自信心，係無得競爭。我哋同緊其他人競爭，佢係無情咁同你競爭，可以好對立咁競爭。」他認為本港仍有2.3%經濟增長，在競爭力、金融中心及人才等都有進步。

無標題
李家超（資料圖片）

形容容許狗隻進入食肆屬開創性政策 將與業界商討發牌細節

《施政報告》提出容許狗隻進入食肆，李家超指寵物友善有很大的經濟發展空間，形容推出容許狗隻進入食肆牌照屬「開創性政策」，當局會就發牌細節與業界商討：「業界都好多問題，有啲就好開放，有啲就對於食物處理有啲唔清楚。」

李家超希望同時推動其他機構，在寵物經濟上作出更大膽的嘗試，指本港作為自由市場，「業界自己去諗點樣再發揮呢方面商業活動」，重申政府是訂立政策，搞活經濟則有賴市場「食腦」及「諗橋」的經營者。