羅淑佩籲市民打風期間切勿前往滑浪 指過往有營救人員「犧牲咗」
（獨媒報導）超強颱風樺加沙預計明日襲港，天文台在中午12時20分發出一號戒備信號，並考慮晚上8至10改發三號強風信號。文化體育及旅遊局局長羅淑佩呼籲，市民在打風期間切勿前往滑浪，重申康文署沙灘本身已禁止滑浪，加上一旦發生意外，營救人員亦會有危險：「我哋過去亦都的的確確有同事因為咁樣犧牲咗，可能係犧牲咗性命，就算唔係都可能身體有傷殘。」
羅淑佩今早出席商台節目，被問到當局是否已作出超前部署，她指康文署轄下公園很多樹木，署方在過去三日已作巡查，視察較弱或就有機會吹塌危險的樹木作修剪及加固：「成個夏天一路做緊，過去三日特別加強咗巡查。」
羅淑佩（資料圖片）
除了樹木，羅淑佩又指康文署轄下的沙灘在三號風球便會掛起紅旗，呼籲市民在懸掛紅旗期間下不要落水：「平時都係㗎啦，今次講緊颱風咁大嘅時候，唔知幾時會有湧浪。」她表示，天文台已預告明日下午的天氣將轉差：「特別特別千祈唔好趁住打風出去滑浪。」
羅淑佩強調，康文署轄下沙灘本身已禁止滑浪，而在出事後營救人員，包括警察、消防員及民安隊人員亦要冒著生命危險作拯救，呼籲市民要推己及人：「呢個唔係一個必須嘅活動，係你去玩甚至你去冒險嘅活動，但你亦都會影響其他人。我哋過去亦都的的確確有同事因為咁樣犧牲咗，可能係犧牲咗性命，就算唔係都可能身體有傷殘。」