【獨媒報導】中國香港足球總會今日（30日）宣布與汽車品牌IM Motors合作推廣，並在IM智己啟德體驗中心舉行簽約儀式，IM品牌代言人任達華、港隊門將葉鴻輝、球員孫銘謙及史提芬彭利拿出席。任達華大讚葉鴻輝是「鑽石鋼門」，「有佢喺度呢港隊個精神力量，係無後顧之憂、放膽去攻，咁先係足球精神。」他又呼籲球迷及市民10月14日入場支持港隊主場迎戰孟加拉。

無標題

因應合作，啟德IM智己體驗中心佈置成球迷「打卡點」，玻璃外牆貼上4名球員人像、巨龍Tifo及港隊勁揪圖案，又擺設港隊簽名球衣以及一比一港隊球員紙牌。身兼明星足球隊門將的任達華獲足總贈送港隊門將球衣，他即席向三位港隊球員索取簽名。

無標題

無標題

年逾70歲的任達華笑稱自己是演藝界的「鋼門」，大讚身旁的葉鴻輝是「鑽石鋼門」，稱自15歲起看足球：「睇龍門就睇盧國華、何容興同仇志強，發覺佢嘅手法所有嘢嘢超越晒啲師傅。」葉鴻輝則笑言「華哥太過誇張啦，佢話睇我好多年，我睇佢仲多年。」

任達華又向在場記者稱「我覺得你哋都要開始踢埋足球」，笑指「你哋皮膚都好似幾白淨少踢波，希望你哋支持香港足球，去踢下波先跟住去同我哋啲人踢下波，大家氣氛一齊玩下踢波。」他又分享守龍門哲學，「敵不動我不動，敵動我先動，把守住喺度，其實如果啲球員唔係好叻個啲根本都射唔到，佢自己都射失，所以我永遠行出嚟好似猩猩咁，一包住個位呢大家都踢失。」任達華又提到，自己會研究對手射門習慣，「通常睇咗對方射咩波，咁自己知道單對單，射12碼嘅時候點樣救。」

無標題