周冠威新作因不利國安被禁上映 田啟文：唔清晰先至困擾
【獨媒報導】電檢處上周五（12日）通知導演周冠威，指其新作《自殺通告》上映會不利國家安全，終拒絕上映。香港電影工作者總會發展人田啟文表示業界從不知處方的準則及基礎，坦言「最唔清晰嘅嘢先至係困擾」，再三強調現時業界很多「唔知」：「究竟係人定事先？如果係事咪針對件事去解決，如果係人咪得個知字，咁下一個問題咪問『仲有冇』、『仲有邊個』。」
相信電檢處耗時4個月逐句對白審查
田啟文在商台《在晴朗的一天出發》接受訪問，拍電影於11月已在台灣上映，但香港現時無法接觸，認為任何評論都需要基於「睇咗部戲，搵到佢邊度係會影響國家安全」，從而「避雷」。他又稱香港與內地的制度不同，內地是先查看劇本「問咗拍唔拍得」、「過晒關」才正式開拍，反之香港的投資者則要顧慮「會係咩原因，我拍完部戲你唔俾上」。
被問到香港是否亦應仿效內地先將劇本送檢，田啟文稱自回歸20多年來，從未試過以《國安法》禁止一套電影上映：「我相信唔批佢嘅人點解要唔批，佢哋都用咗4個月啦，即係佢逐格、逐句對白嚟噒，如果唔係唔洗用4個月啦吓嘛。」他又指可能處方在電影上月於台灣上映時亦有留意相關反應，但作為投資者及從業員，有需要了解避免踏入這些不必要的情況。
周冠威（資料圖片）
稱市場不清晰對人抑或對事
周冠威為《十年》中〈自焚者〉的導演，亦曾執導紀錄片《時代革命》。對於主持人提到電影本身可能沒有問題，只是周冠威已被定性為「有問題」，田啟文就認為：「都俾市場清晰返先啦，知道原來某啲人士佢嘅言行舉止、製作係唔會得到市場通行，變相我哋成個行業會清晰啲，如果唔係我哋就會估囉。」他重申之前從沒有任何準則與界線「我唔知係乜呀」：「但如果係個人有事，咁你國安處應該拉佢啦，但又冇拉佢，咁你究竟係想點呢？我哋都要正視件事」。
田啟文又稱「最唔清晰嘅嘢先至係困擾」：「清晰嘅冇問題㗎，你話有個名單，譬如田啟文呢就唔准㗎，有佢就唔得，咁得個知字，咁我知道咪唔好做囉。」他強調現時業界很多「唔知」：「究竟係人定事先？如果係事咪針對件事去解決，如果係人咪得個知字，咁下一個問題咪問『仲有冇』、『仲有邊個』。」
《自殺通告》劇照
指「不利於」可用於任何人事
對於電檢處拒絕上映的理由是「不利於國家安全」，或未構成違法以致作出拘捕行動。田啟文則稱：「咁呢個『不利於』係可圈可點㗎喎，變相係潘朵拉嚟，你用咗呢個『不利於』，其實任何人、任何電影都可以係『不利於』。」他預計如情況持續將影響業界不再在香港拍電影，轉而到其他地方：「咁係咪對香港有幫助呢，我唔知呀真係。」
被問到業界有否避開某些人士拍電影，田啟文坦言曾向國家單位查詢，對方表示沒有名單，但有人會主動認為「既然有憂慮，不如就唔好請」，從而避免惹上麻煩。