立法會傾「拼生育」容海恩指兩名女兒「幾歲已經唔想生」
【獨媒報導】內地市民近月頻繁收到「催生電話」，街道辦細問居民的生育意欲，甚至是月經經期都被「關愛」。立法會一個研究人口政策的小組委員會亦討論本地如何「拼生育」，新民黨副主席容海恩就表示近來問到她分別只有4歲及5歲的兩名女兒，「你會唔會諗住有小朋友啊」，獲得的答覆是「唔想」，因為「唔識湊BB」。她指出「幾歲都唔想生喇喎已經」，認為問題源於學校應多教「湊小朋友係開心嘅事」。
政府在去年《施政報告》公布新生嬰兒獎勵金，向合資格的父母發放一筆過2萬元現金獎勵，計劃為期3年。當局向立法會「研究人口政策和措施小組委員會」提交文件，截至今年9月30日，共接獲26,948宗合資格申請，並已向25,841名申請人發放獎勵金，合共約5.2億元。
鄧家彪（立法會截圖）
鄧家彪稱辦公室貼滿BB相 令員工加速回家
該小組委員會今早開會商議如何進一步鼓勵生育，以及締造有利育兒環境，多名議員提倡由公務員開始做「先鋒」。工聯會鄧家彪指出，政府除了增加育兒假，亦可以在所有辦公室貼滿「BB相」做佈置，他稱公務員見到有關「BB相」就會「好開心喎，唔好加班，快啲返屋企陪下老婆」。為甚麼由公務員帶頭？他表示公務員有穩定事業和收入，「無理由」不可以組織一個穩定家庭，政府應推動不願生育的公務員，「由唔肯變肯」。
勞工及福利局副局長何啟明笑言，鄧家彪的提議「好創新」，他會將意見向公務員事務局反映，又指「我自己有貼嘅，但唔係個個有咁嘅材料」。
至於工聯會早前提出的「青年置業儲蓄計劃」，房屋署助理署長楊樂表示當局正在細心研究，「如果真係要做措施，要諗多少少」，因為坊間有不同儲蓄計劃、不同金額，當局要思考有何誘因吸引年輕人參與。
何啟明（立法會截圖）
容海恩稱學校應多教「湊小朋友係開心事」
育有分別4歲和5歲女兒的新民黨副主席容海恩表示，她最近向女兒詢問：「你會唔會諗住有小朋友啊第時，想唔想要小朋友？佢哋話唔想，點解呢？因為唔想湊小朋友，唔識湊BB。」她指出「幾歲都唔想生喇喎已經」，並反問兩名女兒，「你唔覺得自己好得意咩？湊小朋友都好開心㗎喎」。
容海恩未有提及女兒最後如何回答，但她指原因是「佢哋喺學校無咁嘅經歷，無咁既教育」，她稱校方應多「話畀佢哋聽，湊小朋友係開心嘅事」，而不是只被勞氣的父母「成日鬧」。
何啟明回應指，「相信如果問一個小朋友想唔想生小朋友嘅話呢，佢梗係應該唔識答你，太細個」。他建議容海恩要「問啱嗰問題」，如果問小朋友「想唔想要多個細佬或細妹」，答案應該會是很想，又笑言「副主席你唔想，但你小朋友應該會答你好想」。
梁毓偉（立法會截圖）
梁毓偉鼓勵青年「多啲出pool」
小組委員會主席、選委會梁毓偉關注如何響應國家提倡營造「生育友好型社會」，他關心如何鼓勵青年「多啲行出嚟，多啲出pool，多啲認識交友」。他的建議是「政府自己先做」，仿效由內地政府營辦的「青年驛站」，鼓勵「夜校」群組，讓青年有更多平台認識異性，繼而結婚生仔。
何啟明本來表示青年發展由民青局負責，不過梁毓偉指出「政府內部」應該帶頭推動。何啟明就表示，「同事之間好多交流」，是否要搞「交友活動」，他會向公務員事務局反映，是否可以作為「員工福利」去考慮。