明年推公務員國安指引 鄧炳強稱希望改變思維「擺喺你個腦入面」
【獨媒報導】李家超在《施政報告》著重「體制內」改革，公務員自然首當其衝，保安局將於明年上半年頒布《國安指引》，說明公職人員履職時如何維護國家安全。保安局局長鄧炳強今午在立法會表示，指引源於部分公職人員於日常執行上「唔係好確定點做」，當局希望透過淺白語言闡述，亦「改變同事嘅思維」，將護國安責任「擺咗喺你個腦入面」，在日常執行。至於指引會否公開，鄧炳強表明文件屬機密，若有人知道當局如何提點公職人員，「啲危害國家安全嘅人，就會攞住嚟研討點去迴避」。
鄧炳強早前在公布《施政報告》後曾向記者表示，新指引適用於所有職級的公職人員，但對部分工種例如屋宇維修，相關性「未必好大」。而指引屬指導性質，未有設立罰則。
吳傑莊（立法會截圖）
「特登明知」違犯 公務員守則懲處
在立法會保安事務委員會上，選委界吳傑莊問日後指引如果推出，仍有公務員「做唔好」，或與指引有不符，會否影響續約或升職。鄧炳強回應時重申指引不具懲罰性，不包括罰則，不過仍要視乎「個別情況」，如果有公職人員「特登嘅，明知嘅」而違反，導致不利國家安全，將會根據公務員守則處理。
他又稱指引目的除了用淺白語言和例子，介紹20個國安範疇，亦希望「改變同事嘅思維」，將維護國安責任「擺咗喺你個腦入面」，並在日常工作執行。
黎棟國（立法會截圖）
鄧：「反駁隊精神已經長存公務員團隊」
新民黨黎棟國又問，指引將會限內部參閱，抑或全部公開？鄧炳強表示因為涉及國家安全，「如果畀人知道我哋提啲同事點去做，啲危害國家安全嘅人就會攞住嚟研討點去迴避」，他表明文件「必然係機密」。
隨著反修例運動已經過去5年，社會有意見認為應該「大和解」，選委界陳曼琪狠批這些意見是「謬誤」、違背法治，問當局會否在國安教育範疇亦設「應變小組」反駁。
鄧炳強回應指，他和律政司司長林定國在不同場合已重申，不會隨著時間過去，「犯法都變唔犯法」，任何時間只要有證據都會控告。他又指雖然不會長設反駁隊，但「反駁隊精神一路都喺度」，只要遇到「唔係好正確諗法」，律政司和保安局都會反駁，他更形容，「反駁隊嘅精神呢，已經長存喺公務員團隊入面」。
他又稱明白國際間「有啲平台畀人扼殺咗」，但政府會透過駐外經貿辦，甚至高官親身訪問，「將香港實際情況講返出嚟」，特別是向當地政商界說明。他更指，政府邀請不同人士，例如記者「親身睇吓香港幾咁自由」，在法律容許下「你係任何嘢都可以做」。