特朗普揚言當選後要求釋放黎智英 陳智思：法庭判決不會因某人言論改變
【獨媒報導】美國總統當選人特朗普早前接受訪問時揚言，一旦當選會要求釋放壹傳媒集團創辦人黎智英。前行政會議召集人陳智思周四出席活動後，被傳媒問到有關事宜，他表示尊重法庭判決，強調任何正在審判的案件不應受政治影響或打壓，更不會因某人言論而改變：「我相信邊個提出任何要求，我相信我哋最終都要尊重返法庭嘅判例，就唔會話純粹某一個人出嚟講咗任何嘢，就去改變最後決定。」
陳智思周四出席樂施會活動後，被問到美國大選結果對中美政局的影響，他指不論共和黨或民主黨任何一方勝出，中美關係在政策上都不會有特別改變。陳智思指中美雙方存在競爭關係，認為美方所有政客都將中國視為「假想敵」，為其眼中的選民爭取利益，甚至「擺姿態」與中國對抗，所以在言語上亦不會友善，繼續用「口號」制止中國超出美國經濟成為大國。
指特朗普變數較大 難預料未來4年變化
對於特朗普重新入主白宮，陳智思指特朗普是「商人」，更著重利用談判爭取利益，在意識形態上或不如民主黨有既定立場和理念。不過，陳智思就指特朗普的變數較大，難預料其行為：「相信大家都唔會知道，未來嗰4年變化，有機會變得好咗，同時有機會變得差咗。」
談到特區政府與美國的關係，陳智思相信會維持緊張，溝通亦較困難。他更重提特朗普在任期間，便曾制裁香港官員，相關制裁至今仍然繼續：「其實喺特朗普做總統時候，佢哋對我哋幾位官員制裁，今日仲係繼續吖嘛。相信依方面佢唔去有一個釋放⋯⋯至少連個制裁咁重要嘅事情，佢都未可以去作出改變呢，我相信政府與政府之間溝通係困難嘅。」
強調必須尊重返法庭判例 不應受政治影響或打壓
有記者關注，特朗普早前接受訪問時揚言，一旦當選後會要求釋放壹傳媒集團創辦人黎智英：「呢一樣嘢其實你覺得會唔會真係可行，定其實佢都係講下啫？」
陳智思回應時重申，對香港司法制度有信心，認為特區政府必定會尊重司法獨立，強調任何正在審判的案件，必定尊重法庭判決，不應受任何政治影響或打壓：「我相信邊個提出任何要求，我相信我哋最終都要尊重返法庭嘅判例，就唔會話純粹某一個人出嚟講咗任何嘢，就去改變最後決定。」
陳智思：加徵關稅屬選舉策略 按「常理」或未必執行
此外，外界關注特朗普上場後，美國或對中國徵收更重關税。陳智思則認為，提出對中國貨品加徵關稅為特朗普的選舉策略，但當選後是否會落實競選時說法，按「常理」來說或未必執行。
陳智思最後表示，對中國加徵關稅對美國的影響更為深遠，而且亦非美國國民樂意見到的事：「我相信所有參與經貿嘅人都明白，其實咁樣做唔單止影響我哋出口，亦都更加影響佢哋自己嘅國民，因為佢哋通脹一定會加劇加深。」