【獨媒報導】啟德體育園日前正式，各場地設施收費表亦面世，當中青年草地場90分鐘一節盛惠1,800元，跑步徑於下午5時至晚上10時半要收每人18元。文化體育及旅遊局局長羅淑佩今早在港台節目解釋，啟德與一般康文署設施「應該有啲不同」，又指相信「認真嘅跑友」希望付款「有個好啲嘅環境」。被問到啟德體育園是否可如當年估算，在營運後首5年可賺2億，羅淑佩未有交代預測數字，稱當年估算與現時相比，「世界唔同咗，行業生態唔同咗」。


資料圖片

啟德場館收費方面，較康文署高數倍，以足球場為例，青年館草地球場每節1,800元；啟德體育園的羽毛球場每60分鐘一節，收75元，同樣較一般康文署羽毛球場25至69元收費為高。羅淑佩今早在港台節目《千禧年代》表示，康文署定位是照顧所有市民需要，但啟德「應該有啲不同」，場館亦該預留作大型賽事。

至於跑步徑方面，她認為「認真嘅跑友，都會希望畀少少錢，有個好啲嘅環境」，她稱在啟德跑步或會提升練習水平，更表示自去年7月公布收費後，坊間反應表示可接受。她認為日後康文署有更先進場館時，可考慮調節租場費用。


資料圖片

羅淑佩未交代啟德何時收支平衡

於2017年，當時民政事務局曾預料啟德體育園2022年底開幕，首五年可達2億盈餘，被問對啟德體育園的收支預測，羅淑佩未有交代數字，但表示當時估算未考慮三年疫情，消費和旅遊模式已有改變，「世界唔同咗，行業生態唔同咗」，認為場館在誤樂、體育活動之間的比例可彈性調整，但強調有為啟德體育園的管理公司制定績效指標。


羅淑佩（資料圖片）

Lady Gaga獅城個唱 羅稱全部明星只揀香港「都裝唔曬」

外界盛傳巨星 Lady Gaga 將到新加坡開演唱會，香港再次失落國際盛事。羅淑佩表示世界各地均積極爭取盛事，認為不同藝人選擇其他地方「絕對正常不過」：「你話佢哋全部都唔去，剩係嚟香港，我哋雖然有新場，但都裝唔曬嘅。」她形容亞洲地區和香港現為「良性競爭」，「亞太區內百花齊放係件好事」。

羅淑佩續稱，啟德體育園至今已經與超過200個製作單位接洽，亦為大家帶來Coldplay、謝霆鋒、周杰倫和林俊傑等歌手。她重申對啟德場館感信心，並透露現積極邀請足球外隊夏天訪港，「我自己係球迷，都好努力做緊」，呼籲各位市民支持啟德體育園。


資料圖片

稱有其他國際賽事與港長遠合作

今個星期五開始的LIV Golf 2025香港站，財政預算案亦提及要與主辦單位進行長期合作，羅淑佩指參與LIV Golf 旅客消費力高，平均每人消費達2300美金，較平均旅客的2900港元消費額高出數倍。她又指賽事氛圍如嘉年華，賽會亦認為香港與比賽定位相符。

羅淑佩表示正在商討與其他賽事長遠合作，但未能對外公布：「我唔會講咗先，傾緊唔會講先，講咗啲人會嚟搶。」

版權: 
禁止衍生