【獨媒報導】今日是傳統節氣驚蟄，港超聯在旺角場上演補賽，冠忠南區以1：2不敵東方，在各項賽事錄得三連敗。南區領隊兼暫代主教練貝可泓在賽後表示，球隊現時在攻力上有阻滯，因為欠缺死球專家，認為如要取勝便不能有小犯錯：「我哋欠缺咗一樣嘢，就係無一個好好嘅死球專家，你東方、大埔⋯⋯大佬（梁冠聰）真係好犀利，佢嗰啲角球能力真係好得。」

東方今場續有黃梓浩、賓紀文正選上陣，國援顧斌出任中場。另外。今場是馬希偉第101場為球隊上陣。南區今季較為頹勢，今場由顏翱天把關，倒戈的黃浩然正選登場，史提芬彭利拿、亞哥斯達就先任後備。

上半場戰情沉悶 顏翱天成焦點

上半場為沉悶，東方攻勢未見銳利，南區亦未能為對手帶來威脅，焦點卻落在顏翱天身上。在比賽初段，顏翱天曾決定遲疑，一度近8秒未能開出龍門球，場邊的貝可泓大喊「喂要開啦」作提醒。

17分鐘，顏翱天在後場開罰球被指兩度觸球，令東方獲得罰球。南區守門員教練范俊業即按捺不住，走出指導區大喊：「喂！快啦！開啦！做咩X嘢呀！」兩人及後更一度喚顏翱天到場邊接受指導。

半場互交白卷 巴科爾打破悶局

南區上場不敵港會在足總盃出局，貝可泓賽後稱「足球比賽未能入球，就沒有辦法取勝」，該句子成為球迷討論的話題。在上半場期間，有球迷就大叫：「Calvin BB，可泓BB，邊個入波多啲呀！」兩隊半場互交白卷。

下半場換邊，南區「㩒掣」先後換入積遜、陳凱柏。50分鐘，黃梓浩左路傳中，賓紀文遠柱二傳予巴科爾，後者近門頂入，為今場賽事打破悶局，東方領先1：0。58分鐘，東方派出梁冠聰、費利蒲薩。60分鐘，顏翱天解圍失誤，賓紀文截得皮球後起腳，皮球省中川瀨浩太出界。

基哥利追和 米祖域門前射入奠勝局

61分鐘，趙聡悟左路推順施射，但未能命中目標。65分鐘，南區終於有回報，川瀨浩太送前，基哥利右路射遠柱入網，葉鴻輝飛到盡亦未能救出，南區追成1：1。73分鐘，梁冠聰左路開角球，米祖域門前射入，東方領先2：1。

在落後下，南區積極修復失地，78分鐘，積遜撥橫，陳凱柏起腳炒高。在比賽末段更下起大雨，雙方最終未有增添記錄，東方以2：1取勝。

安達臣返港渡假成座上客

今場入場人數為454人，成為最佳球員。前港隊主教練、現為中超雲南玉昆主教練安達臣亦有入場，他近日返港渡假，今場與足總技術總監莫寧坐在貴賓席。

在比賽後，南區領隊貝可泓表示今場同在死球失利，「解圍質素可以好啲」，讓對方有機可乘：「好清楚知道東方死球能力好強，好有信心喺生波防守，唔好俾對方太多角球，但今日都係⋯⋯喺呢方面可以做好啲。」

鞠盈智加操復出？ 貝可泓：已停操一段時間

對於南區今季情況，貝可泓歸咎球隊攻力有阻滯，包括欠缺死球專家，多名球員努力嘗試扮演該角色，但始終未能恰如其分。他認為，死球在足球比賽中十分關鍵，「今年我哋喺呢方面真係唔理想」，南區與東方、大埔相比的時候，在死球明顯偏弱：「以往我哋有阿智（鞠盈智）、陸志豪，今年真係欠缺呢一類型球員。」

被問到今季已轉任教練的鞠盈智，是否需要加操「復出」。貝可泓則笑稱：「睇吓佢有無心態操返起啦，哈哈，講笑心態咁講啦。不過，他補充指鞠盈智正朝教練方向進發，對方已停操一段時間，已難以在短期內「復出」。

貝可泓承認成績令人失望 惟強調仍具競爭性

在今場比賽後，南區在港超聯15賽3勝4和8負得13分，較第六位的九龍城少8分。貝可泓承認成績令人失望，但認為球隊在比賽中具競爭性，對任何球隊都有權取得分數，奈何未能取得入球：「大家都好努力爭取入球㗎啦，所有細節都要做得更加理想。」

原任主教練楊正光在今年1月底辭任，南區未有聘請新主教練，只由貝可泓及一眾助教分擔職務。記者問及球隊領導層的指示，貝可泓稱盡力做好餘下的比賽，難以一下子有大轉變，「每場都盡力爭勝」、「失分都唔好難睇先啦」、「俾人睇到我哋鬥志先」。

談到南區主教練一職，記者關注前主教練、現任技術總監鄭兆聰會否回歸。貝可泓只稱要詳細研究，認為今季難以倉促作決定，「要搵一個好適合、有變化嘅人，唔係求其塞個人落去」。

版權: 
禁止衍生