聽眾稱加價「無所謂」惟「唔好講到咁冠冕堂皇」
【獨媒報導】公營醫療「改革」方案中，急症室五級病人當中危殆和危急將轉為免費，但餘下三級緊急、次緊急及非緊急，收費將由180元加至400元。當局多次重申可減少非緊急病人前往急症室，不過有聽眾致電電台節目稱，加價將引致其他私營醫療機構同樣加價，結果市民將「重返」急症室，他認為加價為解決輪候問題「根本係天方夜譚」，另一聽眾稱「你加價無所謂，唔好咁冠冕堂皇」。
新界東急症科顧問醫生：市民有責任及早求醫
醫管局新界東醫院聯網急症科顧問醫生鄭志雄今早在港台節目表示，調整收費後，希望將非緊急病人「導向返佢哋去基層醫療」，減輕公院負擔。不過目前不少病人是因為私家醫生欠缺夜診服務，被逼選擇公院。鄭志雄則認為病人有責任及早求醫：「夜晚唔舒服，究竟係早少少、當嗰啲基層醫療都未關門嘅時候去睇吖，定係去到夜晚嘅時候去急症室呢？呢個我就覺得病人都有個責任自己去調節、去計劃嘅。」不過他亦指如果病人無選擇或無法判斷危急程度，急症室亦「好樂意去照顧呢班病人」。
有市民斥：「你加價冇所謂，唔好講到咁冠冕堂皇」
不過不少聽眾顯然對政府解釋不賣帳，聽眾張先生認為今次加價無法改善急症室輪候問題：「咁你加價冇所謂，唔好講到咁冠冕堂皇，講咩藉口嚟加價。」他指夜診服務不足，市民仍只有急症室一個選項，私家醫生亦會跟隨政府上調收費，無法做到分流。
另一聽眾麥生先亦指加價解決輪候問題「根本係天方夜譚」，「你點樣加價好咩都好，遲早都係歷史循環又循環，過一段時間啲人又會嚟返度。」
他認為有市民並非因價錢才到急症室，「細路仔跌親你去唔去急症室吖？睇私家醫生果個都傻㗎啦。」他又以自身經歷稱，曾以為普通擦損，但求診後發現有細菌感染，需要留院。
聽眾黃小姐則引述早前《明報》報導，指2017年起已有非港人在公立醫院撇帳，金額達2.2億元。她認為政府向本地人加價同時，應考慮如何避免非本地人在港「走數」。
分流「緊急」和「次緊急」病人困難 鄭志雄信市民會體諒
對於分流標準，醫管局行政總裁高拔陞曾解釋，由於緊急和次緊急病人「未必真係咁易分」，避免爭議才兩者一同收費。醫療衛生界立法會議員林哲玄在同一節目亦指，護士要在一分鐘內完成分流，承認「唔可以話係百分之一百準」，兩類病人確實「比較難分嘅」。
鄭志雄亦稱兩者存「灰色地帶」，但強調負責分流護士有專業判斷，又指香港市民「素質好高」，相信病人會體諒分流困難，不認為前線醫護和病人會出現衝突。