【獨媒報導】港超聯在寒冷天氣警告下上演「血案」，大埔作客將軍澳運動場以7：3血洗理文，其中「綠戰士」馬卡雷拿個人連中三元，伊高沙托尼梅開二度。理文暫代主教練朱兆基在賽後稱，對戰果感到失望、好唔開心：「賽果你好難控制，贏同輸一定都有，但可能有時候去到某啲位，我見到係好洩氣，你無可能㗎嘛！」他強調不是責怪球員輸波：「你輸波我都控制唔到，美斯都會輸波啦，但落到去唔可以放棄，去到臨尾一刻㗎嘛。」

在對上一輪港超聯賽事，理文擊敗傑志保持衛冕機會，今場有保利臣、泰法蘇尼、保連奴及羅沙擔正，安尼亞先任後備。大埔續盡用6外援名額，包括隊長加比爾、韋法頓、馬卡雷拿、奇雲巴迪、伊高沙托尼及帕特華維迪，鍾偉強以右閘登場，盧卡斯、李家豪因傷不入比賽名單。

伊高沙托尼梅開二度 奇雲巴迪表現活躍

理文上半場先開波，勢頭一度不俗。4分鐘，保利臣拗腰送往遠柱，泰法蘇尼頂高。這時候，大埔逐漸上力，17分鐘，伊高沙托尼左路推大位，射遠柱入網，「綠戰士」領先1：0。在上半場期間，加比爾多次要求後防隊友將防線壓前，


21分鐘，胡晉銘禁區內侵犯馬卡雷拿，球證譚炳煥直指十二碼點，伊高沙托尼操刀射入，大埔領先至2：0。26分鐘，余煒廉飛剷奇雲巴迪被罰黃牌。33分鐘，奇雲巴迪禁區內撥橫，陳肇鈞後上攻門，陳嘉豪拍出底線。

上半場補時階段，艾華頓禁區頂抽射，但未能命中目標；今場顯得活躍的奇雲巴迪左路起腳，陳嘉豪再次擋出。不過，伊高沙托尼放前，馬卡雷拿力壓泰法蘇尼左腳起腳，陳嘉豪拍到都入，「綠戰士」半場領先三球。

下半場入球騷 理文兵敗如山倒

下半場換邊，上演了一場入球騷，理文收起保利臣、胡晉銘及余煒廉，換入金旻奎、安尼亞及顏樂楓。50分鐘，艾華頓右路傳中，羅沙力壓鍾偉強攻門。58分鐘，帕特華維迪右路發難，奇雲巴迪又起腳，陳嘉豪打出。59分鐘，保連奴後腳傳送，安尼亞突破越位單刀射入，追至1：3的比分。

61分鐘，保連奴爆開杜國瑜後傳中，安尼亞遠柱射門，謝家榮用腳擋出。63分鐘，大埔變陣收起奇雲巴迪，換入峇夏比加強防守。66分鐘，大埔一次反擊，伊高沙托尼策動，馬卡雷拿右路快放笠死陳嘉豪。

馬卡雷拿連中三元 尼高拉斯後備串演前鋒

68分鐘，陳肇鈞接應控定門前射入，大埔贏到5：1。72分鐘，大埔後場混戰，羅沙回後予艾華頓，後者遠射入網，追成2：5。

說時遲，那時快，伊高沙托尼傳到禁區頂，帕特華維迪「衝力射球」搞掂，大埔又領先至6：2。76分鐘，伊高沙托尼底線傳中，馬卡雷拿門前撞入，「綠戰士」贏到7：2，有大埔球迷脱去上衣贈慶。81分鐘，尼高拉斯後備入場，更串演前鋒。86分鐘，安尼亞左路射入，追至3：7，這亦是今場最終比分。

東方昨失分正值「煮緊飯」 李志堅：今個球季很驚喜

今場入場人數為1,031人，馬卡雷拿成為最佳球員。在比賽開始前，大埔主教練李志堅一度稱「咁少人嘅，呢啲波都咁少人真係慘」。在比賽後，李志堅則稱今個球季很驚喜，稱東方以穩陣見稱，昨日一邊煮飯一邊睇波，兒子在旁邊不斷大叫「入啦」，最後終於入波，下半場已沒有特別留意，再查看的時候已發現港會追成1：1。

被問到今場大勝理文，李志堅承認「估唔到」，但指兩軍在今場對攻，「佢哋要攻過嚟，我哋多啲空位就肯定嘅」，惟認為失了三球仍太大意。

朱兆基嘆球員在上半場很懶散 「你無可能㗎嘛！」

在比賽後，理文會長李文恩曾到草地向暫代主教練朱兆基了解情況。朱兆基向記者稱，對賽果感到失望、好唔開心：「賽果你好難控制，贏同輸一定都有，但可能有時候去到某啲位，我見到係好洩氣，你無可能㗎嘛！」他強調不是責怪球員輸波：「你輸波我都控制唔到，美斯都會輸波啦，但落到去唔可以放棄，去到臨尾一刻㗎嘛。」

在今場比賽後，大埔18賽13勝2和3負得41分排榜首，理文17賽11勝2和4負續排第三。朱兆基表示，「明明上一場贏咗傑志返嚟，機會率又有返」：「仲要東方琴日和埋波，但今日咁嘅表現，好難接受到落去。」他斥球員在上半場很懶散，下半場才有所改善。

李文恩講咗乜？ 朱兆基：唔好再俾隊波咁跌落去

《獨媒》問朱兆基，李文恩向其講述的內容。朱兆基先苦笑，再稱「唔好再俾隊波咁跌落去」，重申球隊現階段成績已非首要，只希望見到球員的拚勁，「唔可以俾隊波咁洩氣，就算輸都要打到尾」：「到呢一刻，佢自己都睇緊邊個球員真係為個會。」

對於理文的球員懶散或洩氣的原因，朱兆基稱理解球員，因為球隊有很多轉變，方針上亦有混淆：「呢個唔係球員嘅責任嚟，喺咁多轉變你要求佢哋要做咁多嘢係難嘅。」他最後認為，理文現時尚餘6場聯賽比賽，必須贏波才有競爭力：「咩事都可以發生，而家唔可以寄望其他人做咩，下一場返嚟先。」