控煙十招打擊旅遊業？邵家輝指有影響 林哲玄反問「做咩嚟食煙？」
【獨媒報導】政府刊憲《2025年控煙法例(修訂)條例草案》提出「控煙十招」，建議明年元旦起禁止多於2人排隊等候公共交通工具時吸煙，另在明年4月底禁公眾地方管有電子煙煙彈。市民最希望禁的「火車頭」行為，《條例草案》則無觸及。醫療衞生界立法會議員林哲玄贊成修例，指排隊時禁煙「係一種禮貌」，至於控煙措施會否打擊旅遊業，林認為旅客是來港開心遊玩，「做咩嚟香港食煙？」代表批發及零售界的邵家輝就表示，加強控煙將影響吸煙旅客訪港誘因，形容是「好簡單嘅邏輯」。
林哲玄今早在港台節目《千禧年代》表示，加強控煙有助香港建立正面形象，因為「健康之都」的形象比「吸煙之都」好，他支持政府修例，又指旅客到香港，「玩嘅開開心心，你做咩嚟香港食煙？」
政府擬擴大禁煙範圍至等候公共交通工具、醫院等排隊時，多於2人則要禁煙，林哲玄表示排隊時禁煙「係一種禮貌嚟嘅，唔係在乎淨係法律咁簡單」。他認為日後政府可以進一步擴大禁煙範圍，將學校和醫院等指定處所出入口3米範圍內列為「禁煙區」，因為3米外都「會有煙吹埋嚟」。
未禁薄荷味加味煙感失望
至於加味煙管制，林哲玄對政府在今次修例未禁薄荷味加味煙，而感到失望，他指若禁薄荷味加味煙，可讓大眾感受煙「都係幾難聞」，從而減少嘗試吸煙的念頭。
繼2022年禁止售賣煙彈、加熱煙等「另類煙」，今次進一歩禁公眾地方管有另類煙的煙彈，「管有」包括吸食或使用。林哲玄認同是時機禁止另類煙，指煙民當下只可吸食2022年前的存貨，「咁都應該用晒嘅」，「咁如果擺到而家都未用晒，基本上都唔係好食㗎啦，咁就戒咗佢啦。」
聽眾致電促禁「火車頭」
聽眾梁女士致電時稱，排隊吸煙不單有違禮貌，更稱是「禍害」。梁女士更希望政府禁止「火車頭」，「我以往比較年輕嘅時候，可以走上去佢前面，可以唔使影響到我。但我宜家係長者，年紀大做唔到呢方面。」她斥火車頭行為對非煙民不公，指自己多次致電電台反映，但今次修例當局並無重視考慮。
邵家輝指黑市加劇
批發及零售界邵家輝在同一節目表示，支持「控煙十招」的大方向，惟擔心禁止加味煙後，引致黑市問題加劇，之前加煙稅時已有類似情況，「咁嗰啲煙税點解冇咗？就係好明顯係啲人地下咁樣買煙。」
他表示方案容許外地旅客或港人攜未完稅煙入境，擔心釀成法律漏洞。他又認為加強控煙後，會影響吸煙旅客訪港誘因，稱這是「好簡單嘅邏輯」。