（獨媒報導）蘇玉華憑獨腳戲《完美證供》奪得最佳女主角（悲劇/正劇），並由同為香港演藝學院畢業的謝君豪、鄧偉傑頒獎。這亦是蘇玉華繼2003年後，再次奪得香港舞台劇獎最佳女主角 （悲劇/正劇），她在台上感謝劇協會長馮祿德及所有工作人員：「如果冇你哋嘅話，我哋呢個頒獎典禮係搞唔成。好多謝你哋，呢個頒獎禮係一定要再搞落去嘅⋯⋯你哋就係我哋嘅將來啦！」

在發表感言的時候，蘇玉華感謝劇協、投票予其的評審及喜歡《完美證供》的觀眾。她表示，劇中每句對白都令其感到振奮、深刻的反思，希望藉着演出令觀眾有同樣的震撼和反思。

無標題

感謝丈夫潘燦良 以戲劇之名合作

蘇玉華說覺得做戲不是為了拿獎，但在握住獎座時感覺意義非凡，因此必須大聲逐一讀出團隊每一人的名字：「點解我可以企到喺度，因為團隊嘅共同努力。」她逐一多謝劇團的台前幕後，包括法律顧問等。

丈夫潘燦良是《完美證供》的導演，蘇玉華在台上點名感謝對方：「佢係我嘅導演，佢亦都係我嘅老公，你哋知㗎可？」她提到，當知悉潘燦良擔任該劇導演的時候，「呢鋪真係以婚姻作賭注」，稱在排練的時候出現刀光劍影」、「互片」及「黑面」，但發現二人可以有更大的包容、愛護，「喺戲劇之名下可以咁樣去合作」：「我好多謝你，如果冇你係不可能完成呢個任務。」

無標題

盼劇場一起努力 為下一代灌溉戲劇土壤

在感言的尾聲，蘇玉華感謝劇協會長馮祿德及所有工作人員，「如果冇你哋嘅話，我哋呢個頒獎典禮係搞唔成。好多謝你哋，呢個頒獎禮係一定要再搞落去嘅⋯⋯你哋就係我哋嘅將來啦！」

蘇玉華亦不忘多謝自己：「我已經50幾歲人㗎啦，但我竟然可以有咁嘅膽色、勇氣去接受呢個挑戰，因為呢個係真係好鬼難、好鬼辛苦，我差啲係支持唔住。」她最後呼籲，盼香港劇場一起努力：「The show must go on，我哋一齊努力好嗎？我哋一齊令香港戲劇一齊發展落去，我哋將戲劇呢個土壤灌溉，令我哋下一代，再下一代可以喺戲劇路上，行一條好出色嘅路出嚟。」

表明「一路支持劇協」：我哋點可能貿貿然無咗佢（頒獎禮）呢？

蘇玉華得獎後接受傳媒訪問。她形容，頒獎給她的謝君豪不單是她合作最多次的男演員，而且二人真的可以說是「識於微時」、「係好好好好嘅朋友」，所以今次獲獎意義非凡。

對於劇協不獲藝發局資助，蘇玉華表明：「我一路都支持劇協，就算唔去現場，我都睇直播，因為劇協同我係好有關係。」

她指，劇協頒獎禮並非「我哋閂埋門」，而是當頒獎禮做得好，就有好的觀眾、好的劇評，從而有更好的製作，像一個良性循環，因此這個頒獎禮是極有意義。她又反問：「點解佢（劇協頒獎禮）唔應該存在呢？更加應該存在，因為嗰樣嘢係令到我哋更加走埋一齊，我哋更加有嗰個力量向前行，更加堅持專業，去將戲劇發展好落去。」

她又追溯過去，呼籲大家不要忘記：「（劇協）係我哋嘅前輩、老師、先行者，佢哋幾廿年嚟累積落嚟，而出現嘅一個頒獎禮嚟⋯⋯我哋點可能貿貿然無咗佢呢？我哋點能夠可以唔重視佢？」

至於有人形容現時是戲劇界的寒冬，她認為就像鸚鵡學舌：「你講寒冬，佢講寒冬，第三個就寒冬，第十個就寒冬。」惟她強調：「愈難，愈要去做；愈難，愈有機會；愈難，愈有可能做到啲好風平浪靜嘅時候做唔到嘅嘢。所以我哋要珍惜呢啲所謂嘅『寒冬』⋯⋯令我哋喺艱難環境下創作更好嘅嘢出嚟嘅機會。」

蘇玉華希望對後輩說的是：「繼續加油！繼續尖叫！…… 我都要大嗌！吖！」