【獨媒報導】港超聯球季即將完結，中國香港足球總舉辦的足球明星選舉，明日起開始投票，應屆香港足球先生陳肇鈞力爭「冧莊」。他表示其今季數據、心態都較去季強，「甚至乎我下年再強啲」，會以平常心面對：「最尾攞咩獎都好，甚至乎唔攞都好，我已覺得自己超越咗自己，最終極勝利就係擊敗自己，我今年已經做到呢個位，如果唔係整親，我可以再前啲。」

足總下午舉行新聞發佈會，9支球隊都有派代表出席，包括艾華頓、陳肇鈞、梁振邦、費蘭度、伍瑋謙、劉智樂、韋利安、肯迪及費查。


資料圖片

另設最佳港隊球員 候選人包括港超聯球隊以外球員

今屆香港足球明星選舉頒獎禮將在5月28日舉行，地點則移師灣仔合和酒店，並設有18個獎項，包括香港足球先生（1名）、最佳教練（1名）、香港足球明星11人（11名）、最佳青年球員（2名）、最受球迷歡迎球星（1名）及球員之星（1名）。

另外，今年另設最佳港隊球員（1名），取代去年的港超聯最佳港隊球員，候選人包括效力港超聯球隊以外的球員，但必須在去年9月至今年3月期間為港隊上場。

承認傷患影響大 指聯賽奪冠球隊球員機會較高

去年在亞洲盃替港隊入波、贏得香港足球先生的陳肇鈞，他早前受傷，球隊成績近日亦滑落，或影響其「冧莊」機會。他承認傷患對自己影響很大，尤其在球隊爭奪港超聯冠軍的關鍵之路「整單咁嘅嘢」：「呢啲嘢控制唔到，我都未試過唞多過兩日，無話兩個禮拜、三個禮拜，對我嚟講打擊好大。」

翻查資料，對上一次「冧莊」香港足球先生已要數到2007/08年球季的李海強。陳肇鈞就表示平常心面對，指去年贏得四料足球先生後，已沒有想太多，今季季尾感覺「有得爭」，但指投票人士會參考贏得聯賽冠軍的球隊：「你要好突出先至話，你唔係聯賽冠軍嘅球員而攞到香港足球先生。」

陳肇鈞：選舉最緊要公平 點名巴科爾、艾華頓好突出

陳肇鈞不諱言今季得獎機率「無咁大」，自己做到最足，但不幸遇上傷患：「睇吓觀眾鍾意邊個，選舉最緊要公平，同大家鍾意。」至於誰是最大競爭對手，陳肇鈞點名東方的巴科爾、理文的艾華頓：「兩個都好突出，好值得擁有。我自己未整親之前，都可以同佢哋head to head，鍊到尾嘅。」

一向以鬥心強見稱的陳肇鈞，他強調即使今季未能「冧莊」，下年亦會與二人「再鬥過」，但個人認為已經「贏咗自己」：「獎項呢啲嘢，未必完成反映到勝利。」陳肇鈞表示，自己今季數據、心態都較去季強，「甚至乎我下年再強啲」：「最尾攞咩獎都好，甚至乎唔攞都好，我已覺得自己超越咗自己，最終極勝利就係擊敗自己，我今年已經做到呢個位，如果唔係整親，我可以再前啲。」

陳肇鈞自言今季又大一歲，需要做更多功夫保養，加上賽程更頻密，除了花更多金錢和時間用作放鬆，亦會用平衡心態，並感染其他隊友幫輕自己：「足球始終都係團體運動，唔係划艇、乒乓球，你一個人搞唔晒，如果你幫到其他隊友，佢幫返你，呢個都係我保養嘅方法。」他感謝李家豪、鍾偉強及杜國榆的付出，及醫生的診治。

版權: 
禁止衍生