【港超聯】大埔險勝流浪保爭冠夢 李志堅：希望贏一場波挽回少少信心
【獨媒報導】港超聯周六繼續上演爭標大戰，「二哥」大埔作客憑帕特華維迪臨完場入波以3：2險勝標準流浪，力保爭標希望。大埔主教練李志堅賽後表示，球員在爭標壓力下接連發揮不正常，幸好今場「死頂」到尾：「希望贏一場波挽回少少信心」。
入籍門將奧力斯任正選
大埔近況低迷，於各項賽事四場不勝，上場聯賽賽和冠忠南區失分後，聯賽榜落後理文1分，失去爭標主導權。大埔今場有陳肇鈞與伊達里奧受傷缺陣，正選中「僅」派五名外援，包括加比爾、帕特華維迪，馬卡雷拿、盧卡斯及伊高沙托尼。上仗完場前入波迫和南區的鍾偉強任正選左翼。
標準流浪正選有近日成功入籍的烏克蘭門將奧力斯，以本地球員身份出任正選，前鋒雖續有劉智樂，但伊巴謙、雷仙奴及安沙停賽，由大埔借用的比迪高亦不能上陣，正選只有四名外援，八名後備球員中亦有六名U22球員。
劉智樂入波破華人紀錄 盧卡斯半場追平
雙方初段攻勢不多，流浪反擊較具威脅。11分鐘，巴拉克單刀射入，不過被判越位在先入球無效。大埔之後挽回不少攻勢，不過盧卡斯、鍾偉強先後攻門都不中龍。20分鐘，巴拉克左路開角球，劉智樂前柱頂入，為流浪先開紀錄。劉智樂在今季各項賽事已轟入15球，創下華人球員單季入球紀錄。
比賽中段下起微雨，大埔失波後加強攻勢終於有收穫，41分鐘，李家豪傳中，盧卡斯力壓林堂真頂入扳平，雙方1：1完半場。
流浪末段扳平 帕特華維迪絕殺救主
下半場甫開始，青衣運動場的屏幕便故障，未能顯示比分、球隊、比賽時間等資料，直至球賽尾段才恢復。55分鐘，大埔策動反擊，盧卡斯交予後上的伊高沙托尼，後者壓入禁區射地波，收死奧力斯，為大埔反超前。
流浪比賽後段狂攻，大埔亦換入韋法頓加強防守。78分鐘，姜鋧長傳入禁區，皮球解圍不遠，劉智樂狂抽入網，不過球證黃偉倫翻看VAR後，指馬榕生犯規在先，入球無效。89分鐘，流浪繼續攻，劉智樂接應長傳，分予後上的馬榕生，射入成2：2，為賽事掀起高潮。至補時階段，大埔全軍壓上，馬卡雷拿右路傳中，帕特華維迪人群中一頂入網絕殺，大埔最終以3：2贏波，力保爭標希望。
李志堅稱球員壓力大
今場入場人數為375人，帕特華維迪成為今場最佳球員。大埔主教練李志堅賽後坦言球隊在壓力下發揮「唔正常」：「每一球波都係炸彈嚟，你行入去我估都頂入，又驚輸十二碼，球員點會冇壓力，寧願俾你攞波先。」他認為球員不斷積累壓力：「上場波好心急，覺得一定要贏，但贏唔到，壓力累積到今日，希望贏一場波挽回到少少信心。」
曾反思應否及早放棄盃賽
對於球隊爭標處於被動，李志堅稱：「我哋揸住架日本車帶咗八個圈，人哋都追到上嚟，我哋都係死頂啫。」他又指忽略了三循環對球員的影響，亦曾反思是否評估錯誤，認為部份盃賽可以及早放棄，「但又好坦白講，一班青年球員入到四強，點樣無端端放棄呢？就係嗰場波再傷多兩個，嚟緊真係要諗清楚點行。」他指大部份球員下年仍有合約，希望大家「睇遠啲」，「爭得幾多得幾多啦，唯有係咁」。
在今場比賽後，大埔以49分暫時重上榜首，餘下兩場對手為傑志及北區。理文則會於明日（11日）作客九龍城。
被問是否想對曼聯 奧力斯：唔到我揀
今場以本地球員身份上陣的奧力斯指於去年3月已申請辦領特區護照，因為俄羅斯與烏克蘭的戰事令等待過程十分漫長，自己亦不能控制一切。他稱今年5月下旬將完約，但自己十分喜歡香港，亦有足球學院的工作，對所有選項持開放態度。
奧力斯亦表示希望代表港隊出賽，「當我決定留喺香港，呢個就係我目標、夢想。」被問到是否希望代表港隊出戰本月尾對曼聯的賽事，奧力斯就笑言「呢個唔到我揀」。對於已年屆35歲，加上港隊門將一席競爭激烈，他就對自己充滿信心：「我諗法係『我永遠係最好』，如果有日我覺得有人比我更好，我將會完結我足球生涯。我尊重阿輝、家榮，不過我會為自己而戰，向港隊教練展示我一切。」
有大埔球迷上一輪賽事與教練球員爭拗 今場未見
大埔上一輪5月5日賽事，在主場被南區迫和2：2。賽後有大埔球迷與球員對罵，事件未有影響今仗賽事，球迷落力為球員打氣，賽後球員亦有走到球迷區鞠躬致謝。
今仗大埔球迷區約坐滿七成球迷，「綠戰士」成員之一Roy表示，雖然贏得比賽的確開心，但直言勝出只是「好彩咋」，整體而言不滿意球員表現，形容他們狀態「好游魂」 ，「未值得贏，2比1嘅時候攞一球波，但好似係做唔到更加威脅攻勢，可以攞多一球咁」。他指中場球員表現不佳並非首次，不論球員或教練皆存有各自的問題。
對於聯賽爭冠形勢落後，他指「我哋（大埔）說話權利都無呀，只好每一場贏落去」，並寄望理文失分。Roy讚賞正選上陣的前鋒鍾偉強表現不俗，惟不理解在無受傷情況下半場遭換走。
