【七一】廿名警員「陪同」下獨自走入維園示威 「女長毛」嘆昔日遊行風光不再

（獨媒報導）雖然七一遊行風光不再，今日下午仍有大批警員駐守銅鑼灣。下午，人稱「女長毛」的社運人士雷玉蓮（蓮姐）手持「港人好悲哀、輸入勞工冇飯開」等標語，欲走進維園，但被警員兩度以「會引來大批市民圍觀，擾亂公眾秩序」為由阻止。爭論過後，蓮姐在近20名警員「陪同」下，由多名便衣及警員包圍前往維園，並全程攝錄。

蓮姐今日步履闌珊，她表示自己「腳痛都要行出嚟」，沿路大聲呼喊至聲嘶力竭。她表示，以往七一會沿傳統遊行路線步往政府總部，但由於今年維園新設了「維園慶回歸」活動，她決定作「新嘗試」，由銅鑼灣步行入維園：「我今年63歲喇，唔知睇到幾耐，我行得岀嚟嘅，都希望幫市民爭取訴求⋯⋯我將個訴求俾市民睇㗎嘛，行去政總冇乜用。」

昔日幾十萬人從維園出發遊行，今日只得自己一人走入維園，蓮姐嘆心情份外沉重及感觸。她走到近天后出口時遇上大雨，有途人主動上前為她撐傘：「我都好佩服蓮者咁有毅力」、「唔好等蓮姐好似孤軍作戰咁。」

展示標語即被搜查 批外勞政策令港人失業

蓮姐在下午1時左右到達銅鑼灣，用膳期間有便衣警察接連上樓查看。用膳後，她甫下樓已有十多名便衣警察守候，當蓮姐把「苦港人」標語插上髮髻，警察隨即上前要求查袋、檢查證件等。

配合搜查後，蓮姐向警察表示希望行去維園，並遵循警察指示，由黃金廣場走到銅鑼灣地帶前的梯級，坐下整理物資。現場開始有記者及市民圍觀，警察隨即拉起橙帶分隔。蓮姐用衣架夾起標語「港人好悲哀、輸入勞工冇飯開」，勾在吊住砂鍋的繩上，又把另一幅標語「急市民所急 舖頭日日都執笠」用雙面膠紙黏到上衣胸前位置。

蓮姐表示，以前煮飯是用砂煲，當窮到連煮飯的米都没有，會把砂煲吊起，吊砂煲想表達的是揭後語「吊砂煲、冇飯開」，指失業後失去生活的經濟來源的苦況。

警兩度阻入維園 稱擾亂公眾秩序

整裝後，她兩度嘗試出發都被警員阻止，稱她引來大批市民圍觀，正擾亂公眾秩序。她隨即激動回應：「你係咪想拉我？」其後警員稱了解蓮姐希望入維園的要求，希望能給予時間安排。

蓮姐回到警員指示的「示威區」，表示「我有自由㗎喎，我冇違反《國安法》㗎喎。」她又高聲喊：「真悲哀，輸入勞工就冇飯開！停止輸入勞工、保障工人飯碗。」身邊有市民豎起手指公回應：「係呀！我老公俾人炒咗魷魚呀！冇嘢做呀，（做）廚房呀。」蓮組回應：「咁慘呀？輸入勞工啦梗係！」該市民表示同意。

嘆商舖「全部執哂笠」 籲政府以《國安法》要求減租

蓮姐又指香港的租金長期高企，「間間舖頭，食得又執、唔食得又執，全部執哂笠」。她呼籲政府善用《國安法》，勒令所有商舖減租百分之五十：「你想由治及興呢，最重要就係減租。」

擾攘近10分鐘後，蓮姐三度嘗試往維園出發，終無被阻撓。沿途有大批市民圍觀拍照，她亦大聲向市民解釋吊砂煲及標語的含意等。人稱「劉公子」的香港商人劉定成全程跟隨在旁，記者上前問為何跟着蓮姐，他説：「我得閒囉！有時間咪跟，（蓮姐是）有正氣嘅人，點解我唔跟？」