【獨媒報導】港足晚上出戰東亞足球錦標賽決賽周，迎戰亞洲一哥日本。賽事在韓國龍仁市舉行，吸引數以百計香港球迷到當地支持港足。有來自香港、在韓國當地自由行的銀髮族，在獲悉港足有比賽後，更馬上從釜山轉往首爾，再乘車到龍仁市身體力行支持港隊：「好興奮，好雀躍，好開心！就算有部分家人無睇開波，但都好開心可以支持到香港隊。」

梁女士一行七人原本到釜山自由行旅遊，有朋友告知港隊今晚在龍仁市有比賽，便立刻上網預訂門票、車票，再飛到首爾，再乘車到龍仁市支持港隊。


梁女士

特地購紅色衫支持港隊 「點都要有個隊形」

他們身穿紅色T恤，在一眾港隊球迷中份外耀眼。她向《獨媒》表示，特地前往購買紅色衫以支持港隊：「我哋無波衫，但為咗支持香港隊，特登去買咗紅色衫。唔可以就咁著便服㗎嘛，點都要有個隊形！」

此外，梁女士表示很開心，「因為有機會可以喺外地支持港隊」。她指曾與家人到日本北海道觀看J League 賽事，但在海外欣賞港隊則是第一次，「今次嚟到真係好開心」。


許賢

許賢首次隨港隊作客外地 今次望體驗更多

YouTube頻道《試當真》創辦人許賢與媽媽遠征韓國支持港隊，並乘坐球迷組織「波台黐線佬」安排的專車。他向《獨媒》表示，這是其首次跟隨港隊作客外地，但由於工作繁忙，只能觀看今場對日本的賽事。

許賢表示，過往入場一直以拍攝香港足球為主，今次較多的是體驗成份：「可能都關啟德事，睇過一次4萬幾人之唔，好多人都睇到啦香港足球。自己以前好想拍低佢，而家就無咁大衝動要拍低，反而想enjoy吓。」

談到港隊實力或與中日韓有差距，許賢認為「對手幾勁都要做好自己」，即使不幸輸波仍能贏得球迷掌聲：「希望球迷唔好咁harsh，我哋都要見到球員付出嘅努力，兩邊都用多啲心，就算輸波都唔會好唔開心，下場做好啲就得啦。」

版權: 
禁止衍生