【獨媒報導】港足在東亞足球錦標賽決賽周首場賽事，以1：6負亞洲一哥日本。港隊在上半場早段連失五球，及後改變踢法，下半場憑安永佳以頭球破蛋。陳晉一在賽後透露，在落後五球的時候，於飲水時間與主教練韋斯活交流後決定改變踢法，避免港隊打破最大失利比分：「我哋都唔想會輸到8球，我哋都想有面子，除咗嘗試做啲嘢，唔係馬虎、兒戲嘅比賽，係一場正式比賽。可以同日本抗衡⋯⋯叫做嘗試過，OK證明自己唔得，希望下一次再嚟。」

《獨媒》記者 韓國龍仁市直擊

港隊首戰硬撼衛冕冠軍日本，最終以1：6輸波，亦結束了在國際A級賽的10場不敗的紀錄。今次是陳晉一首次代表香港出戰該項賽事，他在賽後表示，自己比賽期間「炒芥蘭」，腳部越來越脹及未能發力，承認今場「表現差少少」。在腳部不適仍「撐下去」，陳晉一就指代表香港是榮譽：「好想帶返自己喺大陸、甚至喺亞冠，少少唔同嘅元素俾球隊。」

陳晉一：維持踢法只會得出最差結果

在上半場26分鐘，港隊已落後到0：5，主教練韋斯活曾多次大叫陳晉一的名字，兩人及後更商談了一會。陳晉一表示，港隊賽前希望維持原有踢法，但當時與韋斯活交流後認為「我哋都唔想會輸到8球」：「我哋都想有面子，除咗嘗試做啲嘢，唔係馬虎、兒戲嘅比賽，係一場正式比賽。可以同日本抗衡⋯⋯叫做嘗試過，OK證明自己唔得，希望下一次再嚟。」

陳晉一解釋，假如當時維持一貫踢法，只會得出最差結果，「有必要去調節」，遂改踢長傳。他又明言，今場大敗不會打擊港隊：「掉返轉係慢慢再去知道差距有幾大，或者距離世界舞台，再去努力。」

下半場原冀不失球 陳晉一指隊友目標明確

港隊歷來最大失利的比分為0：7，當中包括在2014年不敵阿根廷及2010年負巴拉圭等。《獨媒》問到港隊半場更衣室的情況，陳晉一表示香港球迷很久沒有經歷大比數落敗，下半場目標為不再失球，最後差少少才做到：「我哋都唔想俾呢樣嘢發生，我哋叫做改變咗踢法，大家目標好明確，除咗希望唔失波之外，都希望爭取到機會，亦都做到一個目標，就係入到一球波。」

陳晉一重申，港隊上半場希望保持一貫踢法，但賽況、比分已印證香港與日本的距離，包括整體及球員，認為今場賽事對港隊往後成長十分重要。

談與日本分野 陳晉一：港隊球員有很大提升空間

談到兩隊的分野，陳晉一認為「差距一定有」，即使參與今次賽事的「藍武士」不是旅歐的最頂級球員，「無可否認J League 水平係喺度」，港隊球員自身有很大的提升空間：「喺中國踢嘅球員，喺節奏上、適應比賽能力好咗，但呢場波印證到我哋仲有好多空間去做好啲。」

陳晉一最後表示，日本足球在過去10年進步神速，期望港隊球員能做好本份，足總已越來越能夠凝聚球迷，球迷亦更支持香港：「慢慢一環扣一環做好啲，睇到呢班喺J League 不斷外流去歐洲，呢個對香港球員嚟講係下一步，將自身水平提高。」

韋斯活稱是很好的學習機會 讚日本隊技術水平高

在賽後記者會上，港隊主教練韋斯活稱，雖然球隊落敗，但認為可以與強隊交手是很好的學習機會，稱讚日本隊技術水平高，球風簡單直接。他續指今場派遣年輕球員上場汲取經驗，例如劉家喬、米高，亦相信在後備席的球員，即使未有落場亦會獲益良多。

被問到與日本交手具體學到甚麼、兩地差異之處。韋斯活稱日本足球發展非常成功，有J1、J2及J3的職業聯賽，反觀香港只有港超聯，上季更只有9隊。他又提到很多球員22、23歲時已有能力於球會一隊立足。他坦言很欣賞日本過去多年對足球的資源投入：「我哋仲有好多嘢要進步，好多嘢要做、好多嘢要學，係一個好長嘅過程。」

韋斯活認為港隊已逐漸進步，例如世界排名已上升至第153位，但承認球員質素始終有距離，指陣中雖然有8至9人外流中超，但大部份球員仍在本地球隊效力，並指日本從青訓階段已建立自己的足球體系：「你睇下佢哋踢得好簡單漂亮、好享受，我哋仲有好多嘢學。」

版權: 
禁止衍生