【東亞錦】明上演中港大戰 韋斯活：任何一場比賽都想贏
相片由足總提供
【獨媒報導】香港足球代表隊明日將於東亞足球錦標賽決賽周與國足交手，繼去年元旦後再上演「中港大戰」，港隊主教練韋斯活今日在訓練後強調任何一場比賽都想贏：「但對我嚟講無咩分別，無論對手係中國、中華台北、巴西、法國，抑或英格蘭。我唔在乎同咩隊比賽。即使只係訓練，我都會想贏。」
港隊此前曾四度出戰東亞足球錦標賽決賽周，但未曾擊敗國足，後衛陳晉一亦已被其所屬的中超球會上海申花召回。球隊今日下午繼續進行閉門訓練，未有安排傳媒到場採訪。
韋斯活稱看的是大局 具經驗作決定
在訓練後，韋斯活接受足總訪問，稱希望明日能夠改寫歷史，強調任何一場比賽都想贏：「對我嚟講無咩分別，無論對手係中國、中華台北、巴西、法國，抑或英格蘭。我唔在乎同咩隊比賽。即使只係訓練，我都會想贏。」
韋斯活表示，明白球迷希望港隊能夠擊敗中國，但強調港隊看的是大局，「不會只集中之前的兩場比賽」：「我哋關注近月嘅比賽，球員如何訓練、喺球會嘅比賽表現去考慮。」作為主教練，韋斯活重申其具有經驗，並考慮所有因素，才深思熟慮地作出決定。他表示，對港隊備戰工作滿意，球隊會為明日的比賽努力。
相片由足總提供
鐘樂安「半鹹淡」廣東話感謝遠征球迷
港隊後衛鐘樂安在早前對日本、韓國的比賽中均全勤踢足90分鐘，他同接受了足總訪問，鐘樂安表示，自己負責與隊友串連及溝通，以確保踢出賽前的教練部署，包括港隊控球在腳時的隊形。他表示其目前狀態不俗：「的確有少少攰，但喺呢種水平嘅比賽係正常嘅。」
在蘇格蘭出生的鐘樂安慣常使用英語溝通，他應足總職員要求以廣東話感謝遠征球迷。他最後用「半鹹淡」的廣東話，並夾雜中英文笑說：「我覺得啲香港球迷，好多人嚟support 我哋，真係好多人！多過啲日本，多過啲韓國球迷。睇到啲香港球迷啲紅色，好似sea of fans，係make我好proud，同埋全部啲squad give 我哋個best ，我hope 多啲香港球迷嚟睇呢場波，我哋同中國打波。」