【東亞錦】中港大戰10年前後 葉鴻輝：最大變化是港隊不再捱打
【獨媒報導】今屆東亞足球錦標賽決賽周曲終人散，港隊0：1不敵中國，未能打開勝利之門。從10年前兩次的中港大戰，到10年後今天的東亞錦，港隊守門員兼隊長葉鴻輝認為，與國足交手的最大變化是「港隊不再捱打」：「近呢兩三次對中國隊，我哋唔係一片捱打。的確實力感覺上近咗，唔係好似之前我哋縮晒喺後面咁，我哋而家可以做到進攻，多啲控球，呢個係10年前同而家嘅唔同。」
《獨媒》記者 韓國龍仁市直擊
現年35歲的葉鴻輝，今場是其第109場代表港隊上場。在比賽後，一眾香港記者均問及今場的失球，葉鴻輝苦笑指黃政宇當時「撻Q」，但對手的起腳並非自己預計方向：「我重心腳失咗，佢就射反方向。」
較以往對中國所受壓力較小 港隊球員未開季對體力有影響
不過，葉鴻輝認為，港隊今場比賽較以往對中國所受到的壓力較小：「可能因為部份球員上咗國內踢波，喺頻率、對抗性同熟悉啲國內球員都有啲幫助。」他表示，國足在進攻用波、施壓均不及日本、韓國，惟港隊大部份球員均未開季，所以對體力有一定影響。
被問到陳晉一缺陣是否對港隊有影響，葉鴻輝稱「沒有影響」、「都係踢波」：「我哋都係跟返教練嗰個指示安排。」
15年前首戰東亞錦 葉鴻輝：能與高水平對手交鋒感高興
港足曾出戰五屆東亞足球錦標賽決賽周，包括2003年、2010年、2019年、2022年及今屆賽事。葉鴻輝在2010年、2019年及今屆都是球隊正選守門員。在今屆賽事中，只有2名球員曾替其所屬代表隊上陣逾100場，除了葉鴻輝，35歲的長友佑都亦自2010年再次代表「藍武士」參賽，東亞足球聯盟在社交網站亦形容永恆不變（simply timeless）。
從2009年東亞運一戰成名，「英雄輝」已成為港足家傳戶曉的球員。而葉鴻輝首次代表港隊出戰A級賽，正是2010年東亞足球錦標賽決賽周對日本的賽事。談到第三度參加東亞錦決賽周，葉鴻輝表示「無乜特別」，但對能與高水平對手交鋒感到高興：「你平時要睇吓外圍賽抽籤，抽唔抽得中。東亞盃就係，即使佢哋唔係出一隊都好，個頻率、實力都好高，都係一個好好嘅經驗。」
港隊不再縮後 葉鴻輝：的確實力感覺上近咗
在2015年世界盃亞洲區外圍賽，葉鴻輝曾兩度代表港隊迎戰中國，兩場賽事均以0：0守和。從10年前兩次的中港大戰，到10年後的東亞錦，葉鴻輝認為最大變化是「港隊不再捱打」：「近呢兩三次對中國隊，我哋唔係一片捱打。的確實力感覺上近咗，唔係好似之前我哋縮晒喺後面咁，我哋而家可以做到進攻，多啲控球，呢個係10年前同而家嘅唔同。」
葉鴻輝不諱言，港隊每次與國足交手，壓力都在對方手上：「佢哋喺牌面上、所有方面，都要贏我哋先得。」他認為現在的港隊「同佢哋叫做有得打吓」：「我哋叫做無嘢輸啦，可以咁講，可能發揮出嚟會理想啲。」
被問兩隊下次交手實力距離 葉鴻輝指難以一概而論
談到下次中港大戰，兩隊的實力差距又會有多少距離，葉鴻輝認為難以一概而論，尤其國足正值改朝換代，今次便有不少年輕球員參賽，相信對方「浸多斷年發展又會唔同」：「如果我哋香港隊入面嘅球員，好多都可以去到，多啲國內嘅比賽，實力都可以拉近返。」
此外，連同臨時被徵召的賓紀文，港隊今屆賽事的球員名單共有25人，未出場球員包括謝家榮、奧力斯、杜度、李家豪、李小恆及吳宇曦。