【東亞錦】茹子楠父親到韓國撐港足：穩穩陣陣贏場波
【獨媒報導】港足出戰東亞足球錦標賽決賽周最後一輪，硬撼國足爭第三。逾千名香港球迷遠征韓國力撐港足，包括球員茹子楠父親茹健穩。繼去年卡塔爾亞洲盃決賽周，茹健穩今次再到韓國龍仁市，既支持兒子亦支持港隊。茹健穩向《獨媒》表示，香港與中國的足球水平近年已拉近了不少，希望未來有更多港隊球員北上效力之餘，更可以到亞洲其他更高水平聯賽的球隊效力：「今日就安安全全，穩穩陣陣贏場波！」
《獨媒》記者 韓國龍仁市直擊
中港大戰一觸即發，茹健穩向《獨媒》表示主要是觀賞「中港大戰」，「今次唔係睇仔啦」：「仲想睇吓日本對韓國。」他不諱言，中國足球實力近年倒退：「如果唔退步，我個仔點上去踢呀！我真係咁覺得係㗎，中國真係退步咗。」
在去年亞洲盃決賽周，茹健穩亦有到卡塔爾為港隊打氣，並多次追隨兒子茹子楠，所屬的梅州客家作客中超不同城市比賽。在韓國睇波後，茹健穩將轉到俄羅斯海參威，但今次則是一個人旅行。茹健穩笑言，去海參威才是重點：「老婆梗係無嚟，咁危險嘅地方，都唔知炸唔炸到嗰度呀大佬！」
指中港兩地足球水平已拉近
茹健穩提到，過去數年看了不少內地聯賽比賽，可說是走遍大江南北。他認為，中港兩地的足球水平已拉近：「以波論波，我都覺得係中國高啲。但係可能香港不嬲都下風波，拼啲啦！中國隊我就諗⋯⋯心理負擔好大，踢得好又俾人鬧，踢得唔好又俾人鬧，中國太多勝利球迷。」
此外，茹健穩早前曾到雲南玉溪市，觀賞梅州客家作客雲南玉昆的賽事，亦即是「茹子楠大戰徐宏傑」：「嗰度睇波氣氛幾好，感受氣氛幾好。」他認為，中國球員腳下功夫差了不少，在金元足球後更是斷層，缺少了專心練波的教練及球員：「反而而家20歲以下嗰班好啲啦。」
北上效力已成指標 盼有球員到其他高水平聯賽
對於不少具實力的港隊球員都北上，茹健穩亦認為，以香港的實力及水平，到內地聯賽「搵食」已是指標，但個人更期望，港隊球員可以到亞洲其他更高水平聯賽的球隊效力：「始終有啲人要帶頭，傳聞話一仔可以去J League，如果有人帶咗頭有示範作用，引導香港球迷、球員、家長覺得踢波係一條出路，可能會好啲啦。」
茹健穩最後寄語，在內地聯賽效力的香港球員必須自愛，希望能起示範作用，「帶同班師弟上去」。