【獨媒報導】港超聯大埔球隊事隔6年再度奪冠，捧盃兩個月後今日（7月19日）舉行巴士勝利巡遊，兩架開縫巴士載著一眾大埔球員及球迷車上慶祝，由沙田鄉議局大樓出發，駛經廣福道及大埔中心，沿途吸引不少街坊拍照揮手。現場另有逾百名球迷舉起打氣橫額，歡呼迎接球員，氣氛非常熱烈。球會總監兼主教練李志堅有感今年球迷圈擴大，認為與港隊球迷效應及大埔球員入選港隊有關，盼今次遊行後大家「平時都可以咁支持我哋」。

新加盟球員未有出席 勝利巴士駛經傑志中心

今次是大埔第2次奪得港超聯冠軍，大埔聯同新界鄉議局今早舉辦「大埔足球會勇奪港超聯冠軍花車巡遊慶典」。巡遊起動前先在早上11時沙田鄉議局大樓進行啟動禮，球會會長葉吳彬彬、主席林奕權、總監兼主教練李志堅、領隊葉志雄、政制及內地事務局副局長胡健民、新界鄉議局主席劉業強等人出席典禮。大部份大埔球員均有現身，包括港腳陳肇鈞、李家豪、尼高拉斯、謝家榮，已宣布將加盟大埔的球員如顏卓彬及費蘭度等則未有出席。

無標題

巡遊隊伍在中午12時正出發，城巴贊助兩架開篷巴士，首站停泊大明里公園，現場逾百名身穿大埔球衣球迷手持橫額等候，並大聲歡呼唱歌迎接，球員手捧獎盃落車，與球迷一同走到大明里公園合照及簽名。

無標題

無標題

球會免費派發500條打氣毛巾，以及600支球員肖像特別版電解飲品。巴士經過廣福道及大埔中心時，吸引不少街坊拍照，更有司機落窗揮手，駛至終點大埔運動場期間，球迷們熱情未減，仍大力高叫「大埔」。

李志堅指季尾賽事「戲劇性」：足球就係充滿咗呢啲驚喜

大埔事隔6年再舉辦勝利巡遊，李志堅稱同樣開心。對於地區球隊發展，他指有出色球員受大眾關注時，「會唔會演變咗成為成個地區多人關注咗呢？即係會唔會好多人落嚟呢度順便睇波、順便消費，其實呢個係內循環。」他望香港足球在地區的發展更加全面，「真真正正展示到地區球隊幫到香港足球，亦都係可以持續啲嘅事情。」

無標題
李志堅

提到今季大埔經歷「高低起伏」，李志堅直言完季前幾場球賽充滿「戲劇性」，「真係唔可以唔講有好多幸運裡面，當然足球就係充滿咗呢啲驚喜、未知數先好睇」，「所以好好好玩，贏咗我一定講好好玩，輸咗呀……輸咗先算啦。」他感激球迷在炎熱天氣下特意支持，「如果唔係真係支持你，無必要咁樣行出嚟，所以真係好感動好多謝」。

陳肇鈞指今季贏得辛苦

右腳仍未完全康復的陳肇鈞Philip亦有現身，並與球迷走足全程。對比上次港超聯奪冠，Philip 指今季鬥到最後「贏個馬鼻」，贏得較為辛苦，「嗰個付出我諗外界係feel唔到睇唔到，係我哋自己同班球員、堅sir feel到個拉扯有幾緊。」

無標題

Philip 笑指今年巡遊天氣比6年前熱，「今年我直程企喺度都有問題，中暑咁濟。」對比過往，如今與球迷關係亦更緊密，「雖然延遲咗兩個月，佢哋都好記住今日，真係多人留意咗足球，真係推緊。」Philip又「溫提」球迷「早啲返屋企，就嚟打風啦，買定多啲嘢，嚟到啦八號風球。」

無標題