【獨媒報導】足總今日在周年晚宴頒發「香港足球小姐」獎項，港隊女子代隊隊長陳詠詩成為應屆香港足球小姐，獲得3萬元獎金。陳詠詩對獲獎感到高興，又感謝所有隊友：「好開心大家繼續留喺足球場上踢波，女仔踢波真係唔容易，亦都好辛苦，今年係經歷咗好多，包括可能五人、十一人好多好多比賽，包括聯賽。最希望係嚟緊嘅女子足球，無論11人又好，5人又好，青年隊又好，會繼續未來發展得越嚟越好。」

足總晚上舉行周年晚宴暨頒獎典禮，今季香港足球小姐獎項由7人競逐，包括吳卓蔚（和富社企）、鍾貝琪（傑志）、馬澤純（仁足社）、陳詠詩（沙田）、關詠愉（民和公民）、吳寶琳（屯門）及Jeanne Dupoiron（港會），最終由陳詠詩力壓群雌獲獎。


資料圖片

現役港隊隊長 獲獎後全場女將拍掌歡呼

現年41歲的陳詠詩效力沙田體育會女子足球會，是現役港隊女子代隊隊長，隊友都會叫她「陳詠」。她多年來一直日間上班，其餘時間幾乎都貢獻給足球。在頒獎禮上，由足總會長貝鈞奇公布香港足球小姐的獎項，他在讀出陳詠詩的名字後，全場多名女足球員拍掌歡呼。

陳詠詩在致辭時表示感到高興，感謝沙田體育會及教練團隊，同時感謝所有隊友：「好開心大家繼續留喺足球場上踢波，女仔踢波真係唔容易，亦都好辛苦，今年係經歷咗好多，包括可能五人、十一人好多好多比賽，包括聯賽。最希望係嚟緊嘅女子足球，無論11人又好，5人又好，青年隊又好，會繼續未來發展得越嚟越好。」

在接受記者訪問的時候，陳詠詩承認對獲獎感到驚喜及意外，「因為唔會預係自己」，感謝一眾教練的信任。：「我覺得我啲朋友、隊友，或者踢波朋友，可能我攞呢個獎，佢哋仲開心過我。」她續提到，每年都有人告訴她「要攞」：「其實我一路都係平常心，我每年都話可唔可以推我出嚟，我真係唔想⋯⋯」

讚其他候選人獨當一面 寄望女足一路進步

被問到為何在今年才獲獎，陳詠詩笑言「可能太多年」，再次感謝投票予自己的主教練，大讚其他候選人都是獨當一面的球員：「你見到守門員又有，無論前中後都有，我覺得係好好！代表女足可能一路發展得好好，最緊要係寄望女足一路進步。」

談到今年參加了不少賽事，陳詠詩指多項大賽都十分難忘，包括女子五人足球亞洲盃、亞洲盃外圍賽及全國運動會群眾項目女子五人足球老將組，最難忘的則是全運會。她解釋，全運會一眾隊友自小一起踢波，更特地為比賽加操：「每個畫面，每日畫面，我都記得，好感動。」


資料圖片

棄全運出戰亞盃外 陳詠詩感謝港隊支持

由於賽期重疊，陳詠詩曾欲參加全運會而放棄出戰亞洲盃外圍賽，惟最後仍選擇了後者。她指「一世人真係無乜機會再踢全運比賽」，其全運會隊友亦認為「唔應該咁樣」：「我都好多謝香港隊嗰邊支持我，因為我去咗全運少咗一、兩次練波，我都好唔好意思。」

至於會否繼續代表港隊在賽場上奔馳，陳詠詩認為仍屬未知之數，因為機會應留給年輕球員：「我可能會係輔助。我唔會刻意踢，或者唔踢，香港隊需要我就踢，我始終鍾意踢波。」她最後提到其座右銘「永不放棄」，比賽一日未完場都不應放棄：「球證未吹停嗰一吓，我嗰心態仍然係點樣都唔放棄。」