【獨媒報導】今年是抗戰勝利80周年，特區政府未有如70周年般，將9月3日列為全國假期。民建聯今午舉辦抗戰報告會，立法會議員陳勇指，即使當日並非公眾假期，學校仍可「把握機會」，將當日「自行調節」為教育日：「嗰一日唔係話大家放下假休息下，而係話我哋緬懷、牢記歷史⋯⋯啫係等於端午節紀念屈原，咁嘅時候呢，嗰一日你食糭可能好多人都唔記得咗。」

民建聯今午舉行抗戰80周年報告會，除了立法會議員陳勇、鄭泳舜、陳學鋒及劉智鵬、原東江縱隊港九獨立大隊大嶼山中隊後代尋蹤小組負責人陳凱倫等亦有出席，並在分享會上大談抗戰以及銀礦灣事件的歷史。分享會亦邀請逾20名學生參與，開始前先有全場1分鐘默哀環節。

和平得來不易應感恩 陳勇：前事不忘後事之師

在問答環節中，有記者問到現時社會對於歷史是否有足夠重視。陳勇表示相較回歸前，現時社會對於歷史的重視程度不斷增加，如《施政報告》提出將香港海防博物館改設為「香港抗戰及海防博物館」等。他續指，香港在回歸後變成「自己中國人地方」，而且今時今日的「中國香港」邁向「由治及興」，和平得來不易應要感恩。他認為，市民需要「前事不忘後事之師」：「如果今時今日，畀你一張超豪華頭等單程機票，送你去巴基斯坦、以色列、伊朗、烏克蘭、俄羅斯，你願唔願意去先？畀你揀，你願唔願意留喺香港？」

陳勇期望，教育局可將經認證和具權威性的歷史資料，納入大、中、小學及幼稚園的教科書，清楚將歷史列出讓下一代清楚掌握：「至少你要了解清楚，當年係邊啲人為咗乜嘢，保護緊邊啲人，同埋點解有今日嘅和平，當年係無得傾嘅。」他又表示：「最簡單我成日都話，你要知道你老豆姓乜，但有段時間被人洗腦洗到呢，唔好話老豆姓乜啦，自己係咩皮膚咩人都未知。你一係做Michael Jackson 漂白自己，但係漂白咗之後人哋都唔認你問題就係。」

以蔡俊彥劍擊奪冠為例 鄭泳舜：年輕人背負「歷史責任」

今年抗戰勝利80周年未有如70周年般，將9月3日列為全國假期。有記者在會上再次問及該情況，陳勇就以政務司司長陳國基上月底的說法作回應，重申今年的所有公眾假期已固定。不過，陳勇補充指，不清楚9月3日學校是否已經開學，提議即使當日並非公眾假期，學校仍可把握機會，將當日「自行調節」成教育日：「嗰一日唔係話大家放下假休息下，而係話我哋緬懷、牢記歷史⋯⋯啫係等於端午節紀念屈原，咁嘅時候呢，嗰一日你食糭可能好多人都唔記得咗。」

鄭泳舜則表示，其在中學時期未有機會聽到抗戰歷史，今日在場的同學能聽「專家」分享歷史是十分「幸福」，認為同學應要珍惜。鄭泳舜又以香港花劍代表蔡俊彥，日前在世界錦標賽奪冠為例，稱年輕一輩背負「歷史責任」：「琴日蔡俊彥就攞咗劍擊總冠軍，其實佢都係一個體現嚟，佢都係一個代表我哋中國香港嘅體現出嚟。」

版權: 
禁止衍生