【獨媒報導】效力連城公民的後衛冼仲意，外流加盟台灣木蘭足球聯賽球隊台中藍鯨，這亦是其繼去年效力菲律賓馬尼拉挖掘者後第二次外流。冼仲意期望，今次外流可以成為其他香港年輕球員的榜樣：「真係鍾意足球嘅話，職業足球唔係我哋想像出嚟嘅嘢，係真係可以實行到嘅事。只要你夠堅定，想去試嘅話，好多人都會幫你去解決問題，堅持你自己鍾意嘅嘢就可以。」

冼仲意在去年外流菲律賓效力馬尼拉挖掘者，當選2023/24年球季球隊的最佳後衛，及後重返民和公民。冼仲意今次第二度外流，加盟曾五次奪得台灣木蘭足球聯賽冠軍的台中藍鯨，簽約至2026年6月。


圖片由連城公民提供

被問到為何到台灣踢波，冼仲意稱自小已到台灣參加比賽，「挺喜歡他們的足球文化」，長大後曾想過會否有機會到當地踢波。她提到，在獲悉有機會外流台灣後感到十分興奮，「要真係好俾力去爭取呢個機會」，很快便決定要到台中試訓。

談到外流台灣，冼仲意感謝連城公民主教練梁冠聰，「冇佢都唔會有第一步」：「台灣呢邊都會想吸納我哋香港嘅足球員，去促成呢次機會。」她又感謝台灣的教練及經理人陳聖文，個人目標是希望在落場的時候，協助球隊重奪亞冠資格，「球隊每一場都贏到」。


圖片由連城公民提供

此外，冼仲意期望，今次外流可以成為其他香港年輕球員的榜樣：「我真係鍾意足球嘅話，職業足球唔係我哋想像出嚟嘅嘢，係真係可以實行到嘅事，只要你夠堅定，想去試嘅話，好多人都會幫你去解決問題，堅持你自己鍾意嘅嘢就可以。」

梁冠聰則表示，今次不單純是一次轉會，雙方球會已有初步長遠合作共識。他承認，雖然轉會對球隊實力有一定影響，但一直秉承為球員作出最好選擇的方針，鼓勵球員能到更高水平的舞台。梁冠聰希望，藉著更多外流球員的故事，勉勵和提點本地球員，特別是心態及思維。

版權: 
禁止衍生