張宇人指飲食業「餅唔夠分」 呼籲餐廳「結業趁早」勿死撐
【獨媒報導】外勞引發本地工人開工不足，甚至湧現黑工問題，在9月《施政報告》前夕漸見尖銳。身兼行會成員、飲食業界立法會議員的自由黨黨魁張宇人接受《信報》專訪時「捍衛」輸入外勞，反指打工仔有外勞分擔工作「其實開心咗」，反指工會發聲做法是「落井下石、踩多腳」，影響飲食業界復甦復元。但即使繼續引入外勞，亦不代表前途大好，張宇人在訪問指「個餅就係得咁大」，太多人食餅會不夠分，認為經營困難餐廳勿「死撐」，若「要結業就提早結業」。
近月已有勞工團體先後發聲，指飲食業現時批出5萬外勞名額，影響本地工人就業。張宇人早前已經與業界僱主組成「反駁隊」，高調召開記會，提出「如果早啲有輸入勞工，可能可以避得開倒閉潮」的論調。
《信報》今日刊登張宇人專訪，在訪問中張宇人否認外勞和本地工人搶飯碗，重申聘請外勞的成本高於本地勞工，因為其工資要達類似職位的每月工資中位數，亦要支付住宿及醫療開支。張宇人反指，本地工人大多寧願做散工，令食肆難有穩定班底改善食品和服務。
反指工會代表非打工仔 不代表工人
張宇人在訪問中更稱，其實有外勞分擔工作，打工仔是「開心咗」，因為不用再「一個人炒三隻鑊」，服務時更笑容滿面，更稱有空閒時間研究新菜式。他提醒社會勿只聽工會「片面聲音」，又稱社會並無聽到「真正嘅打工仔講嘢」，而工會代表「都唔係打工啲工人嚟嘅」。他又批評工會所打的「人唔夠，僱主就會畀錢搶人」旗號是「糖衣毒藥」。
張宇人更認為相比起工會，僱主才更關心打工仔，因為員工是飲食業界「最親密夥伴」，僱主要靠員工維持生意，「員工唔同我搏命，我哋係無得生存」，因此在「可能情況下」，他認為僱主「肯定係對啲員工好好」。
「唔好當埋老婆張棉胎」 結業要趁早
對於業界是否可以在外勞政策下迎來轉機，張宇人在訪問表示現時不是飲食業擴張好時機，因為「個餅就係得咁大，太多人食個餅就唔夠分」。他呼籲經營困難的餐廳勿「死撐」，「唔好當埋老婆張棉胎，要結業就提早結業」，並稱相信深港的物價會「自行調節至適當水平」，叫香港人要「有耐性」。