【獨媒報導】足總今早舉行港超聯季前新聞發布會，宣布Kelme成為未來兩季比賽足球及場地人員制服供應商，並已為港超聯特別設計專屬比賽用球。卡爾美香港營運發展經理李詩倫向《獨媒》表示，接獲多支球隊反映新皮球較為輕身，中前場球員射門機會大增，對守門員來說則是挑戰，並大膽預計今季將會是入球較多的球季。

在發布會上，中銀人壽由2013/14年球季冠名贊助至今已逾10年，足總主席霍啟山與中銀人壽執行總裁鄧子平簽訂新一輪合作協議。另外，Kelme亦會取代Nike，為賽事提供場地制服及官方比賽用足球，Adidas 則繼續提供球證服裝。

談到港超聯比賽用的新皮球，李詩倫稱現時比賽用球普遍使用「熱黏合」技術，即以膠水將數塊膠縫起來：「唔會好似以前咁，用幾塊皮砌出嚟。而家變相比較輕，射入去嘅氣壓無以前咁重，個波輕就對龍門嚟講，比較飄啲。」


李詩倫

賽馬會地區足球項目入手 最終目標成港隊球衣贊助商

在發布會後，李詩倫接受《獨媒》訪問，在數年前經營香港市場的時候，希望做到最平的價錢、最好的質素。李詩倫稱一直有留意本地足球，指港超聯到低組別均有很大變化，公司過去兩年先從賽馬會地區足球項目入手，令業餘足球及街外人看到品牌已發展得更好。

李詩倫續提到，Kelme一向主力贊助外國球會，包括英冠屈福特、西甲愛斯賓奴，已累積一定經驗，在數年前開始與標準流浪、北區合作，在站穩陣腳即具供應球衣及配備等經驗後，便向港超聯賽會提出合作兩個球季。他坦言Kelme 最終目標是成為港隊的球衣贊助商：「大家之前聽嘅風唔係假，但我哋比較難去同一啲好巨型嘅品牌比較，但我哋都博盡老命去做。」

此外，亞洲足協去年已與Kelme 延長合作關係，該品牌成為亞洲盃、亞足聯冠軍精英聯賽及亞冠二等賽事的指定贊助商。李詩倫表示，公司亦十分關注比賽用球如何做得更好，認為將會是未來大趨勢，已在過去數年做好技術設計：「英超用Puma，沙特都用Adidas，好多品牌技術競爭緊。」

一半港超球隊穿Kelme 公司自言較彈性

在今季10支港超聯球隊中，5支球隊都會穿上Kelme 的球衣，包括大埔、冠忠南區、標準流浪、北區及東區。李詩倫指自己在大品牌出身，大品牌一般要在9個月至一年前預備下季，而Kelme 較為彈性，一般在兩至三星期內可以完成，包括5支港超聯球隊的主場球衣。

不過，李詩倫指今年較遲才收到訂單，但亦已啟動數條生產線：「當然會係一個好大挑戰，所有材料都係落場版，盡量排除以往熱昇華嗰個味道，會留返原汁原味，好似香港同日本聯賽，都係燙印所有嘅嘢。」

盼設期間限定店賣港超球衣 透露旅客最愛入手

另外，李詩倫坦言希望能參考英超及日職，在香港開設期間限定店，做到一站式售賣港超聯球隊球衣，透過發售周邊產品推動本地足球發展。

他又透露，不論其親身視察，抑或球衣店World Soccer、Superfans 反映，不少外地旅客來港都會購買港超聯球隊的球衣，包括泰國、台灣及菲律賓等地：「有時候見到有外國人，上嚟話我要北區2件，我要流浪。」

陳肇鈞稱已經適應新皮球

對於Kelme 的新皮球，大埔中場陳肇鈞向《獨媒》稱要重新適應，因為多年來踢開Nike，指後者的水準較為平穩，Kelme則相對敏感：「可能我哋自己唔慣，彈得特別勁啲，總之就係去得滯。」不過，陳肇鈞表示，一眾隊友都已經適應，又指曾參與國際賽事都會明白，不同賽事均有不同皮球。

版權: 
禁止衍生