【獨媒報導】大埔在剛過去的周四作客越南河內出戰亞冠二分組賽，前屯門區議員黃丹晴在卸任後，重返社工崗位，在工餘時間成為YouTuber 𣈱遊世界。繼今年3月隨港足到新加坡，及7月到韓國後，黃丹晴再次特地請假跟隨「綠戰士」遠征。本身是港足球迷的黃丹晴相信，曾遠征的香港球迷都會明白箇中意義：「要珍惜呢個意義，你永遠都唔知幾時會無咗。法律裡面多頁紙就會無咗，要喺呢個時代生活，都需要讀多啲法律。」

《獨媒》記者 越南河內直擊

訪問在大埔球員與球迷見面會後進行，黃丹晴早前在旋轉拍賣網購入大埔的外套，在見面會上不約而同與球員同款。

去年錯過卡塔爾亞洲盃 今年兩度跟港足到外地

本身是英超球會阿仙奴球迷的黃丹晴，已去過酋長球場看「兵工廠」，平時都會入場看港足主場賽事。今年3月首次跟隨港足到新加坡，原來是因為去年選擇去台灣觀選，而錯過了港足出戰卡塔爾亞洲盃，這令黃丹晴決定要去外地「睇香港」彌補遺憾。

在新加坡舉行的亞洲盃外圍賽中，黃丹晴與球迷一起飲酒，一起操入球場，「球迷就係要咁」。他當時有感新加坡國家體育場「幾靚」，今年6月到啟德主場館看過港足對印度後，「對比返啟德好得多」：「香港終於有自豪嘅嘢，又有冷氣！」如是者，黃丹晴把握跟隨港足出征的機會，7月曾到韓國看東亞足球錦標賽：「不過條片無剪到，亦唔需要剪，好多人出咗啦。」

初嚐隨香港球會遠征 「大家都為香港努力緊」

談到跟隨港隊或香港球會到外地比賽的意義，黃丹晴相信曾遠征的香港球迷都會明白：「要珍惜呢個意義，你永遠都唔知幾時會無咗。法律裡面多頁紙就會無咗，要喺呢個時代生活，都需要讀多啲法律。」

今次來到河內，黃丹晴初嚐跟隨香港球會到外地比賽的滋味：「佢都係香港球隊嚟㗎嘛，為緊香港球隊積分系數努力，真係為香港努力㗎嘛。」

九十後的黃丹晴是註冊社工，在2019年區議會選舉當選屯門區議員，獲推舉出任區議會副主席。黃丹晴在區議員宣誓過關，完成4年任期。香港亦從新冠疫情，中央落實愛國者治港、「完善」選舉制度，到今日邁向由治及興。

在區議會任期完結後，有前民主派區議員曾選擇留在社區，自負盈虧繼續服務街坊。黃丹晴不是沒有想過自資繼續落區，但認為總有「燒完」的一日，「因為你無咗個身位就係無咗」。


資料圖片

重投社工崗位 黃丹晴：最愛的工作已經做完

即使議員之路已盡，黃丹晴對山景邨街坊還是有感情，所以保留了工作電話號碼：「你有咩就WhatsApp 我啦，我答到就答，但你要出嚟填表就真係sorry 了，交返俾受政府人工嘅區議員，同龐大資源嘅關愛隊，無謂斷人米路啦。」

有本身同是註冊社工的前民主派區議員，離任後一直未能覓得社工的職位。黃丹晴成功重操故業，現為從事社區發展的社工，他自言是相對幸運的一群：「既然有個身位就好好生活，周圍有咩幫到就幫。」

重返社工崗位，黃丹晴依然享受協助服務使用者，「只可以講最愛嘅工作已經做完」：「與其懷緬過去風光，你都返唔到轉頭，不如嘗試尋找當中嘅樂趣，等自己生活過得好啲。」


資料圖片

變身YouTuber 因最愛坐飛機 商務艙坐上癮

在擔任區議員的最後一年，黃丹晴兼讀工商管理的銜接學士學位，周日有空便在YouTube 觀看飛機片」，因為最愛坐飛機：「越睇越覺得好正，我都想去搭喎！」在卸任前夕，黃丹晴決定一口氣使用多年儲下的亞洲萬里通里數，首次乘坐商務艙到英國及加拿大：「感覺好正，十幾個鐘可以伸正隻腳！」這亦令黃丹晴坐商務艙「坐上癮」，除了坐飛機，亦開始「拍飛機」。

不過，該次旅程最終未有出片。黃丹晴及後拍攝了多條「末代區佬記錄」作練習，首條「飛機片」是去年到台灣觀選乘坐香港航空的商務艙。

自言多年工作只為他人及社會 離任後始為自己打算

在離任區議員後，黃丹晴除了失業，還遭遇失戀，不少朋友相繼離開香港，陷入前所未有的低潮。在細想之下，黃丹晴覺得要為自己打算一下，遂「瘋狂去旅行」：「嗯，做咗三十幾年人，一路做嘅工都係為其他人，為社會。一路都係為人哋，無為過自己。」

移民成為港人近年的課題，身邊總有親友到外地展開新生活。黃丹晴亦不例外，他去冰島旅行時，在社交網站發出限時動態，竟獲已移居當地的朋友問好，更相約重聚，這令他對「旅行」有新的想法：「我有個小學同學老公係多明尼加人，第日會唔會去多明尼加搵佢呢？」

在初期「瘋狂去旅行」的時候，黃丹晴都會選乘商務艙，慢慢才變得隨心：「唔再話要坐同拍Business，我去邊度就順便拍埋。我就係鍾意坐飛機，同巴膠一樣道理。」他笑言，對飛機延誤的厭惡較其他人少，亦不介意別人喚自己做「飛機膠」。

接耳機廣告感獲肯定 廉航片成收視保證

做YouTuber 拍片，無可避免要適應網絡生態，更要努力尋求不同題材。數年下來，頻道最多人收看的一條影片是比較快運航空及大灣區航空。另外，黃丹晴曾花了很多時間，尋找葡萄牙航空航班的「一人王座」，收視卻未如理想：「有少少失望，但無咩嘅，唔係香港起飛嘅機係少人睇啲，外國相對獵奇啲睇唔同嘅嘢。」他笑言商務艙的影片不太多人看，廉航反而是收視保證。

除了網絡生態，廣告是另一個課題，黃丹晴認為不但是對認真拍片的肯定，更可開拓不同題材，他最鼓舞是收到一個耳機廣告：「收到廣告真係好開心，仲要耳機喎，我以前玩音樂㗎嘛。」

該頻道亦記錄了黃丹晴的成長，從社工、說唱歌手到區議員。黃丹晴坦言不強求是否能達到10萬訂閱，但認為像接到廣告般，「係一件事嚟嘅」。他現時希望先達到1萬訂閱：「其實唔係唔得，只係有時自己懶，工作上有新工作，無辦法要工作為先，無錢點搭飛機呢？」

「我希望我出去介紹自己嘅時候，唔再係前區議員，唔係社工，我係一個YouTuber，呢個係對自己嘅身份認同。」


資料圖片

低谷借酒消愁 黃丹晴：留低是為了等大家回來

在2019年區議會選舉，屯門社區網絡6名成員參選，5人當選，組織在2021年10月即新界西區議員宣誓前夕解散，成員命運迥異。張可森、羅焯勇相繼入獄，潘智鍵、曾振興及王德源已移居外地，黃丹晴成為留下來的人。

在初選47人案，黃丹晴坦言帶著自責的心情走完區議員之路，在低谷中借酒消愁。經過沉澱後，黃丹晴認為「仍然是要生活」：「帶住情緒都無意思，既然你喺出面，做啲有意義、有用嘅嘢，唔係同喺入面有咩分別？」

「如果我要走就一早走咗，宣誓咗就決定留喺度。我留低係要等大家回來。幻想有一日大家都返嚟，可能暫時未見到，但唔可以唔相信。如果所有人離開晒喺香港，係咪仲係我哋認知嘅香港呢。」

版權: 
禁止衍生