《世外》下月上映 監製盼更多人知「香港真係有動畫」
（獨媒報導）下月正式上映港產長篇動畫《世外》周日舉行優先場，放映結束後獲全場鼓掌。編劇兼監製楊寶文和美術總監張小踏在映後現身分享創作經過，張小踏坦言團隊對自己有很高要求，「冇一個shot我覺得唔滿意」；楊寶文則說香港不似日本，有成熟的動畫產業鏈，要靠畫師靈活變通、「做多少少」來完成《世外》，希望觀眾看畢電影後多與身邊人分享感想：「俾多啲人知道，香港真係有動畫㗎！」
《世外》改編自日本作家西條奈加創作的小說《千年鬼》，講述人類死後、轉世之前，靈魂會進入名為「世外」的空間，需放下今世執念才能輪迴轉世，而靈魂引導者「小鬼」就負責協助他們。電影製作歷時7年，在國際影壇上成績不俗，包括入圍法國安錫國際動畫影展、金馬影展、蘇黎世電影節等多個電影節，並獲美國著名發行商GKIDS購入北美發行權。
《世外》劇照
花一年做前期美術製作 讚畫師厲害「冇一個shot唔滿意」
談到為何創作這個故事，楊寶文說因為世界有很多仇恨和憤怒，自己解決不到，唯有寫出來令自己明白如何放下。她笑言希望令觀眾明白：「如果今世不放下，下世都會跟住你。」張小踏就透露，單是前期美術製作包括角色設計、構思電影背景等工作，已花了約一年時間：「我冇見過『世外』，例如會呼吸嘅樹，或者好多想像唔到嘅嘢，要花好多時間develop先呈現到俾大家睇。」
同時擔任監製的楊寶文亦提到，她的兩個身份之間有不少衝突，例如「監製人格」會很憎編劇寫了這麼多背景，因為很貴：「編劇都後悔嘅，不過冇辦法，已經寫咗同開機。」她提到，「監製人格」與導演之間也有拉扯，因為本來預算是95分鐘，但導演最初剪了一個120分鐘的版本：「多一秒鐘就係多8格（畫面），你哋諗吓多幾多分鐘，就多幾多幅畫、多幾多個步驟，要多幾多budget ？」最終版本刪剪至111分鐘，楊寶文表示滿意，並希望觀眾看畢電影後多與身邊人分享感想：「俾多啲人知道，香港真係有動畫㗎！」
談到不滿意的地方，張小踏直言：「我要坦誠講，冇一個shot我覺得唔滿意。」不過，她說製作上比較困難的一幕是其中一名角色的葬禮：「嗰幕好多人，我負責做角色設計，好似畫極都唔夠，又唔可以（每個角色）一樣樣。」她笑言，完成該幕時覺得畫師很厲害，但動畫導演仍覺得不夠靚：「吓，咁靚都叫唔夠靚？」但亦因為如此，她明白團隊對自己有很高要求：「每一秒佢哋都睇200次，確保嗰吓motion好靚。」
編劇兼監製楊寶文（左）、美術總監張小踏（中）
香港無動畫產業鏈 靠畫師靈活變通「做多少少」
有觀眾提到，在香港製作動畫的人很少，團隊在創作過程中是否常感到孤獨？張小踏聞言不斷點頭，楊寶文則說，香港與「動畫大國」日本的情況十分不同，因後者的動畫行業發展成熟，有非常多中層或中高層畫師，因此製作系統嚴密，一格動畫可能經過十多個部門審閱檢視；而《世外》的畫師完成其工作後，就會直接交給動畫導演和導演檢查：我哋有好多好好嘅動畫師，香港啲動畫師真係好叻，好artistic 又得，好commercial 都得。但我哋無產業鏈，（畫師）無辦法知自己要做到邊個部分，呢7年我哋就係去摸索呢樣嘢出嚟，which is 係香港人先做到嘅嘢，就係flexible。『你做多少少啦，導演搞唔掂啦，你識㗎啦！』類似咁樣嘅形式去做。」