（獨媒報導）港產片《觸電》上映近一個月，票房由首日的5萬元，靠口碑衝破180萬。在周末，電影主創團隊繼續到多個戲院謝票，又分享不同拍攝秘聞。其中男主角柯煒林提到，最初導演梁國輝邀請他參演《觸電》時，他未有即時答應。梁國輝就爆料，在《觸電》開拍第一日才接到柯的電話：「最後一刻先有男主角定檔。」

柯煒林提到，最初梁國輝邀請他參演《觸電》時，他正在台灣工作，怕時間上未能配合，故未有即時答應。但經理人卻建議柯接拍，指《觸電》的劇本不錯。柯煒林說：「好多謝導演同經理人提醒我，呢套戲係好，所以先有咁嘅成品見大家，係一段好美好緣分。」

《觸電》近日入圍台灣金馬獎最佳動作指導，在戲中既是演員又是動作指導，更有份寫劇本的羅浩銘說，所有動作場面合共拍攝了6.5天，並點名多謝老闆古天樂。他解釋，古天樂曾跟他說：「我到宜家都唔知你哋拍咩，不過你哋覺得值得做嘅，就做啦。」羅浩銘坦言，感覺有點對不住古生：「因為到第四個禮拜，票房都係差啲啲⋯⋯（苦笑）我同佢講賺緊㗎啦，不過有少少落差。如果大家鍾意套戲，多啲叫朋友入場，比返啲support我老細，佢真係好撐呢件事。」

戲中飾演米爺電玩角色化身的吳苑汶憶述，她在拍攝動作戲時要趴在又濕又多曱甴和老鼠的街市地面上，更飲了不少水，印象深刻。飾演Solo的AnsonBean就提到，他因未有聽導演和動作指導的意見，拍攝最後一場動作戲時撞上欄杆，險從三層樓高跌下：「呢個係一個教訓，真係要聽導演同動作指導講嘢。」