立法會餞別晚宴取消 陳振英稱人少場地難安排 近日議員氣氛「沉靜」
【獨媒報導】立法會選舉提名期下週五（24日）開始，截至今午12時正，已有13名現屆議員表明不連任，其中多名為年屆70歲以上議員，包括「大主席」梁君彥、馬逢國、張宇人、陳健波、林健鋒。
原定立法會會期結束當晚（10月23日），為梁君彥舉行歡送宴，惟有傳議員之間氣氛一片憂愁，飯局終以「場地問題」為由告吹。陳振英指不少議員未有時間出席，在「人又少、場地又安排唔到」下取消。他又指近兩日氣氛「沉靜」，但稱大家關係「無嘢呀。議員之間關係梗係好啦！我講『沉靜』，即係大家少咗講嘢咁解」。
有傳陳振英接任「大主席」 稱「都係假設性問題嚟」
立法會財務委員會今日舉辦年結記者會，多名記者關注席上議員競逐意向。陳振英表示身為金融業界功能組別議員，需要諮詢業界意見，暫時仍未有決定，相信會適當時候公布。
2025年立法會財務委員會及轄下兩個小組委員會年結記者會
至於傳出將會接手「大主席」一職，他則笑稱：「都係假設性問題嚟嘅！因為大主席個位係由新一屆立法會議員互選產生。而家我哋連新一屆立法會議員一個都未知道，所以根本就無可能知道下一屆大主席係邊個嘅。」
謝偉銓指現與業界商討競逐連任 料下周公布決定
政圈流傳立法會議員退休年齡界線為70歲，現屆立法會12名70歲以上的議員中，截至今午12尚餘5人未有公布去向，分別是地產及建造界龍漢標（74歲）、新民黨葉劉淑儀（75歲）及黎棟國（73歲）、建測界謝偉銓（70歲），以及實政圓桌田北辰（75歲）。
現年70歲的謝偉銓一直未有透露參選意，會上被記者問到會否競逐連任。他表示，參選立法會議員需要考慮多個因素，包括個人能力、是否得到支持、個人動力及意願，感謝傳媒關注自己參選意向。他稱現時正與業界商討：「無論業界邊個人做呢個位置代表我哋建築測量、都市規劃及園境，啲議題都希望有關代表繼續跟進。」至於個人是否參選，他則「會喺適當嘅時候會同大家公布。你哋或者會問：咩係適當嘅時間呢？唔一定係唔會遲過下個星期內啦」。
謝偉銓
再被追問到個人參選意向，謝偉銓則稱「唔同時間我嘅意願都有唔同考慮。可以講我屋企都有啲變化，咁我自己需要會因為唔同嘅時段嘅考慮」，又嘆「其實做咩工作你話冇壓力就假嘅」，指不論工作、家庭、社會及業界均有壓力，重申早前已就年齡設限表態，重申「我真係覺得唔係唯一嘅考慮因素」。
現年74歲的易志明昨日宣布不競逐連任，會上則被問及是否因年齡問題受壓不准參選。易志明回應指，不連任的議員「嗰年紀層都好闊嘅，所以你頭先講嗰個懷疑基本上唔存在」。至於接班問題，他稱由第一屆當選議員已開始計劃繼任人選，第一個加入了政府，第二個循其他界別當選，目前正培訓第三個，但是否能夠成功獲提名則要「日後先知喇」。
易志明
梁君彥歡送宴告吹 陳振英稱「人又少、場地又安排唔到」
有傳媒報道一眾議員將立法會會期結束當晚（10月23日），在中銀大廈為梁君彥舉行歡送宴，惟議員之間氣氛一片憂愁，飯局終以「場地問題」為由告吹。陳振英會後向記者確認已取消飯局，指上屆立法會會議結束後亦有一同吃飯，今屆因「場地安排唔到」，同時有不少議員未有時間出席，稱：「你知，人又少呀，場地又安排唔到，所以咪就唔舉行。」
《獨媒》問到現時議員間氣氛如何？陳振英認為近兩日氣氛「沉靜」，指大家關係「無嘢呀！議員之間關梗係好啦！我講『沉靜』，即係大家少咗講嘢咁解。咁希望呢個沉靜一到達大會開始，到好多發言嘅時候，大家嘅氣氛會好返啲」，又強調大家商量下決定取消飯局。
對於多個資深議員宣布不再競逐連任，他認為每個機構都需要傳承，指短暫可能會「陣痛」，但長遠而言對每個機構都是好事。
陳振英