事隔4日再被問去留 葉劉帶笑回應：對唔住我趕住去開會
【獨媒報導】立法會至今15人不角逐連任，年屆70歲「大限」議員去向繼續備受關注，75歲的新民黨主席葉劉淑儀連日被傳媒追問，曾不耐煩著記者「唔好騷擾我、唔好阻住我開會」。今日立法會葉劉再被記者包圍，就面帶笑容向在場傳媒表示「對唔住我趕住開會」。
另一名至今未公布去向的「高齡議員」，75歲的實政圓桌召集人田北辰，繼續「每天透露多一些」，坦言傳承問題「不可不諗」，見其他年齡相若的議員退選，令他開始思考去向。對於年屆70，會否擔心組織未來，他就指：「都有啲壓力畀咗自己，我係咪淨係諗自己一個人呢？」
四名七旬議員尚未公布去留
八名年屆70歲立法會議員相繼宣布不連任，剩下未表態的四人包括葉劉淑儀、田北辰、黎棟國和謝偉銓。今立法會交通事務委員會和內會開會，一眾議員再被記者追問參選意向，多個政黨表示未有公布。
葉劉在交通會開始後20分鐘出現，被詢問參選名單，表示稍後宣布，多次指「對唔住我趕住開會」，「唔該真係畀我開會，我趕時間，唔好意思，唔該。」73歲的新民黨常務副主席黎棟國則未回應記者提問。至於一度被傳不能連任後「起死回生」的李梓敬，就未回應自己會否參選。
左起：葉劉淑儀、黎棟國、陳家珮
田北辰：年齡相仿同事退選 傳承不可不諗
75歲的田北辰就坦言傳承問題「不可不諗」，指有見年齡相若同事一一宣布退選，「好多我係好敬佩嘅，資歷、經驗豐富好多嘅」，令自己都開始思考去向。被問到年屆70會否擔心實政圓桌未來，他就指最近不斷思考，「都有啲壓力畀咗自己，我係咪淨係諗自己一個人呢？」，又要考慮親身或派人出選的勝算。被追問壓力來自自己抑或他人，他就回答：「啲壓力梗係嚟自自己，我唔係淨係70，我75，所以咪大家自己諗諗。」
田北辰
田北辰又兩度分享實政圓桌理念，指工作對事不對人，「你每次批評政府政策，你諗唔到個替代方案，唔該你收口，唔好出聲，不嬲都係咁。呢個板塊傳承落去，我覺得可能對香港會有幫助。」他又指圓桌「唔會一面倒有某啲人想行一條路，就固定一條路。有人會問你呢條路有咩好處？好過政府想行嗰條路咩？我哋唔會為咗拗贏，去噏啲嘢出嚟」。
70歲的建築、測量、都市規劃及園境界謝偉銓就表示參選與否仍在考慮中，週末「再認真諗清楚」，下週初交代。
左起：謝偉銓、林筱魯
陳克勤：議席多寡非最重要
民建聯將等待執委會決定參選名單。是否擔心大黨位置受威脅？主席陳克勤就表示議席多寡不是最重要，希望與不同黨派合作。傳聞政黨角色會淡化，陳克勤就指政團角色有轉變，民建聯從選舉型政團調整，現在做不同政策倡議。「政團喺議會裡面角色當然有，一定喺度。但係咪最重要？我覺得唔係。大家團結最重要。」同黨陳恆鑌被問到個人會否參選，就表示自己服務地區和香港多年，相信執委會考慮。
陳克勤
陳恆鑌
已宣布不尋求連任的經民聯主席盧偉國，就表示會適時公布選舉部署。至於是否擔心議席減少，他就指薪火相傳，一定都會有新臉孔，會努力傳承。自由黨主席邵家輝同樣表示下週適時公布。
左起：盧偉國、梁美芬