（獨媒報導）今日是立法會選舉換屆投票日，截票時間為晚上11時半。在大埔，有市民在晚上11時29分踩單車衝往票站，成功壓線投票。該對夫婦表示，因今晚在尖東飲宴而遲來，感恩趕得切投票，期待新一屆立法會「個個做到嘢」、「國泰民安」，並為市民盡心盡力工作。

在大埔的香港教師會李興貴中學投票站，晚上10時半後得投票人流明顯減少。不過在晚上11時29分，居住荔枝山的梁氏夫婦騎着單車衝往票站，並著守在門口的民安隊幫忙看守單車，成功壓線投票。

作為票站最後一對選民，丈夫梁生笑言：「尖東飲完飛車返嚟，之後仲飛埋架單車先啱啱入到閘，真係好好彩。」梁太則稱投票是想議員為居民「做返啲嘢」：「特別係宏福苑嗰度好慘，可以做得返嚟我都覺得ok，好開心。」

無標題

對於政府特意安排延長投票時間一小時，梁太讚揚安排好：「起碼方便好多市民，譬如好遠嘅都可以趕得到嚟」。梁生稱，趕來投票的原因很簡單，就是公民責任：「做好自己應該要做嘅嘢，即係我哋選（議員）出嚟，亦都希望能夠選到佢，真係為市民做嘢。」他又指，基層市民最關注民生議題，盼議員為他們爭取福利，包括醫療、小朋友教育及居住等。

至於期盼新任議員如何協助宏福苑居民？梁生則認為需要全港高官一同齊心協力：「一個議員做唔到好多嘢，始終力量有限，要有團結、有溝通，大家上下溝通先能夠貫徹實行去做，先搞好香港」。

踏入於11時30分，職員關上大門鐵閘，並移除設於票站外的指示路標。根據貼於票站外的告示指，投票日共有約4,100人到該站投票。